Футбол: «Каспий» 4:0 есебімен жеңіске жетті

Кеше «Каспий» футбол командасы өз алаңында түркістандық «Тұранмен» кездесті. Ойында алаң иелері 4:0 есебімен жеңісті еншіледі, - деп хабарлайды mangystaumedia.kz сайты.

Қарсылас қақпаға алғашқы екі голды Руслан Мингазов салды. Содан кейін Рамазан Каримов пен Бекзат Қабылан есепті еселеді. Ал түркістандық Тұран бұл жолы есеп аша алмады.

Айта кетейік, бұл футболдан ҚР кубогының 1-туры, Д-тобындағы екінші ойын болатын. Д тобындағы турнирлік кесте бойынша «Каспий» футбол командасы 3 ұпаймен алдыңғы қатарға шықты. Келесі ойын 17 шілде күні Алматы қаласында «Қайратқа» қарсы өтеді.

Жұлдызай ҚАЛИЕВА

Суреттер «Каспий» ФК алынды

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.