Маңғыстаудан шыққан әлем чемпионаты жүлдегерлерін білесіз бе

Маңғыстауда туып, күллі КСРО–ның намысын қорғаған қос спортшы бар. Бірі Шоқыр Бөлтекұлы болса, енді бірі желаяқ Әмин Тұяқов. Олардың есімін тек маңғыстаулықтар ғана емес, қазақ елі біледі және мақтан етеді.

Ал қазіргі таңда спорт саласындағы жетістіктер еселенді, спортшы саны артты. Осы ретте 1991 – 2019 жылдар аралығында облыстан шыққан әлем чемпионаты жүлдегерлерінің тізімін оқырман назарына ұсынуды жөн көрдік.

Әлем чемпиондары:

1.Ердос Жанабергенов – бокс, Мяньян, 2005 ж.

2.Венера Жетібаева – каратэ-до, Мәскеу, 2008 ж.

3.Бек Өмірзақ – каратэ -до кекушинкай, Баку, 2013 ж.

4.Мұрат Жәумітбаев – каратэ-до кекушинкай, Баку, 2013 ж.

5.Әйгерім Әбілқадырова – грэпплинг, Нұр-Сұлтан, 2018 ж.

6.Берекет Нұрбаев – каратэ-до кекушинкай, Баку, 2018 ж.

7.Әлия Тілепова – джиу-джитсу, Киев, 2019 ж.

8.Жәнібек Әбу-Бәкір – джиу-джитсу, Киев, 2019 ж.

9.Азамат Абаев – джиу-джитсу, Киев, 2019 ж.

10.Бекзат Нұрдаулетов – бокс, Екатеринбург 2019 ж.

Әлем чемпионатының күміс жүлдегерлері:

1.Ержан Қожаев – каратэ-до, Токио, 2006 ж.

2.Әділбек Ниязымбетов – бокс, Баку 2011 ж, Алматы 2013 ж.

3.Анарбек Қойшман – каратэ-до кекушинкай, Баку, 2018 ж.

4.Дархан Нортаев – джиу-джитсу, Абу –Даби 2019 ж.

5.Нұркен Домбаев – самбо, Чхонджу 2019 ж.

Әлем чемпионатының қола жүлдегерлері:

1.Халид Халидов – каратэ-до, Париж, 2003 ж.

2.Магомед Круглиев – еркін күрес, Будапешт 2005 ж.

3.Халид Халидов – каратэ-до, Париж, 2012 ж.

4.Берік Әбдірахманов – бокс, Алматы, 2013 ж.

5.Нұркен Домбаев – самбо, Бухарест, 2018 ж.

6.Жәнібек Әбу –Бәкір – джиу-джитсу, Абу-Даби, 2019 ж.

7.Еркінбек Байтөреев – каратэ-до, Саньтяго, 2019 ж.

Маңғыстау облысы осы уақытқа дейін джиу-джитсу спорт түрінен 3 алтын, 1 күміс және 1 қола жүлде алды. Каратэ-до кекушинкай спортынан 3 алтын, 1 күміс жүлдеге қол жеткізген. Бокстан 2 алтын, 2 күміс, 1 қола жолда қоржынға салынса, самбодан күміс және қола жүлде қанжығаға байланған болатын. Ал каратэ-до спортынан 1 алтын, 1 күміс пен 3 қола жүлде алған. Грэпплингтен 1 алтын жүлде болса, еркін күрестен әзірге қола жүлде бар.

Жалпы барлығы 10 алтын, 6 күміс және 7 қола медаль бар.

Айта кетейік, Кеңес Одағы кезінде облыстан әлем чемпиондары шықпады. Бірақ тәуелсіздік алғаннан кейін Маңғыстау спорты жандана түскендей. Ересектер арасынан 23 әлем біріншілігінің жүлдегері шықса, қазір джиу-джитсу, каратэ-до кекушинкай, бокс, аралас жекпе-жек, каратэ-до, грэпплинг жақсы дамып келеді.

Айбек МҰХАНОВ