«Сахнагер – 2019»: Маңғыстаулық театр саңлақтары марапатталды
[ 2019 ] 18 желтоқсан, 07:27 | Мәдениет
Нұр-Сұлтан қаласында өткен «Сахнагер – 2019» ұлттық театр сыйлығының марапаттау рәсімі өтті. Н.Жантөрин атындағы Маңғыстау облыстық музыкалық драма театрының көркемдік жетекшісі және бас режиссері Гүлсина Мерғалиева «Үздік режиссер» номинациясымен марапатталды. Танымал актер Айбек Иманқұловқа «Үміт» номинациясы табысталды, - деп хабарлайды mangystaumedia.kz сайты.
Гүлсина Мерғалиева облыстық театрда «Күй», «Бір шөкім бұлт», «Әлиханның аманаты», «Ханума», «Қос жебе», және «Ақбөбек» сынды спектакльдерді қалың көрерменге ұсынып, өнерсүйер қауымның қошеметіне бөленіп жүрген режиссер.
Ал Айбек Иманқұлов «Фариза мен Мұқағали», «Күй», «Гамлет» қойылымдарында басты кейіпкерді сомдаған талантты актер.
Еске сала кетейік, «Сахнагер – 2019» ұлттық театр сыйлығы елдің мәдени кеңістігін біріктіріп қана қоймай, театр өнерінің дамуына тірек болатын көркемдік-эстетиткалық және рухани құндылықтарды насихаттап жүрген сахна саңлақтарына беріледі.
Биыл салтанатты шара осымен Нұр-Сұлтан төрінде үшінші рет ұйымдастырылып отыр. Осы ретте облыстық театр ұжымы қос марапат иесін құттықтап, жылы лебіздерін жеткізді.
Жұлдызай ҚАЛИЕВА
Суреттер облыстық театрдың инстапарақшасынан алынды
2184
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
