Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
© Сайт архивінен
Мәдениет үйі Мұнайлы, Маңғыстау ауданы және Жаңаөзенге қарасты ауылда ашылады, деп хабарлайды mangystaumedia.kz.
«Олар Басқұдық мәдениет үйі мен кітапханасы, Рахат ауылдық мәдениет үйі мен кітапханасы, Жармыш ауылдық мәдениет үйі мен кітапханасы іске қосылады. Бұдан бөлек, келер жылы «Ауыл-ел бесігі» бағдарламасы бойынша республикалық бюджеттен Түпқараған ауданындағы С.Шапағатов ауылдық кітапханасы мен мәдениет үйі, Қарақия ауданынан музей ғимараты және жергілікті бюджет арқылы Жаңаөзен қаласында музей ғимаратын салу жоспарға қойылған. 2025 жылға дейін өңірде 18 мәдениет объектісін (оның ішінде 9 ауылдық клуб, 6 кітапхана, 2 музей, 1 театр салу) және 62 мәдениет объектісіне жөндеу жұмыстарын жүргізу жоспарланған. Бұл республикалық жол картасына сәйкес іске асады», - деді Пәния Сармурзина.
Қазіргі уақытта 10 мәдениет нысанына қазан айындағы бюджеттік нақтылауда қаржы бөлініп, жөндеу жұмыстары басталды.
Басқарма басшысы өңірдегі ескерткіштерге де тоқталып өтті. Биыл «Бөрілген қорымы» ескерткішіне реставрация жұмыстары жасалған.
«Қарауылкүмбет және Шіркеу ескерткіштерінің реставрациясына қазан айында қаржы бөлініп, конкурс жарияланды. Келесі жылы басталады. Соңғы жылдары өңірде әлемдік деңгейдегі екі археологиялық жаңалық: біздің дәуірімізге дейінгі 1-6 ғасырлардағы үлкен діни-қабірлеу кешені - Алтынқазған және өлкемізде алғаш рет ғұндар тарихында отырықшы сауда қолөнер қонысы болған - Қарақабақ қалашығы ескерткіштері ашылды. Франциялық «Pernel Media» телекомпаниясы «Алтынқазған» туралы деректі фильм түсіріп, биыл «Discovery Science» арнасы «Аттиланың жасырын қабірі» атты ағылшын тіліндегі деректі фильмнің премьерасын көрсетті», - деді басқарма басшысы.
Биыл өңірде 5000-ға жуық мәдени-танымдық шаралар өткен. Ал, келесі жылы «Түп-төркінін төрге оздырған Маңғыстау» этнографиялық фестивалін, халықаралық деңгейдегі ақындар айтысын, «Әбіш әлемі» халықаралық театрлар фестивалін, ҚР еңбек сіңірген әртісі Роза Айдарбаева атындағы республикалық күйшілер байқауын, ҚР халық әртісі Роза Бағланованың 100 жылдығына арналған іс-шараларды, өңірдің тұңғыш кәсіби дирижеры Боздақ Рзаханов атындағы «Сиқырлы таяқша» республикалық дирижерлар байқауын, Мұрын жырау Сеңгірбекұлы атындағы республикалық жыршы-термешілер конкурсын және т.б ұйымдастыру жоспарланған.
Сондай-ақ, өңірде 5 мыңнан астам бала шығармашылық үйірмелерге қатысуда. Бұл мақсатта мемлекеттік шығармашылық тапсырысқа 270,0 млн.тг. қаражат бөлінген. Осыған дейін, жоспар 1580 бала болған, биыл жоспар ата-аналардың сұранысына орай, 4 есе өсті. Келесі жылға мемлекеттік шығармашылық тапсырыспен 7000 баланы, яғни 15,6% қамту жоспарланып, облыстық бюджетке 1,2 млрд. тг. көлеміндегі қаражатқа өтінім берілді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.