Театрға барайық! Ақтауда облыстық музыкалық драма театрының жаңа маусымы ашылды

Ақтауда Әбіш Кекілбаевтың 85 жылдығына орай Нұрмұхан Жантөрин атындағы облыстық музыкалық драма театрының 22-маусымы "ӘБІШ АПТАЛЫҒЫМЕН" басталып, көрермендерге қаламгер шығармасының желісімен «Күй» спектаклі көрсетілді, - деп хабарлайды mangystaumedia.kz.

- Биыл Әбіш ағамыздың 85 жылдық мерейтойы. Осыған байланысты біз Н.Жантөрин атындағы Маңғыстау облыстық музыкалық-драма театры 2016 жылдан бастап «Әбіш әлемі» атты республикалық халықаралық театр фестивалін ұйымдастырып келеді. Биыл қыркүйектің 27-30 аралығында III халықаралық театр фестивалін ұйымдастырамыз. Оған елдіміздің түкпір-түкпірінен, көршілес мемлекеттерден театрлар ұжымы қатысады. Биылғы жаңа маусымды Әбіш ағамыздың шығармашылығымен бастадық. Таңдаулы 4 спектакльді ұсынып отырмыз. «Шыңырау» спектаклімен осы айдың аяғында Қытай Халық Республикасына сапарлаймыз. Сондай-ақ, Алматы қаласына жылдық жоспар аясында гастрольдік сапарымыз бар. 18-20 қазан аралығында Түрікменстан астанасы Ашхабад қаласына аттанамыз, - деді театр директорының орынбасары Тоқтамұрат Тілеуұлы.

Жаңа маусымның тұсауын Қазақстанның халық әртісі Асанәлі Әшімов кесті.

Сондай-ақ, ҚР Еңбек сіңірген қайраткері, Нұрмұхан Жантөрин атындағы музыкалық драма театрының іргетасын қалаушы, 20 жыл қызмет еткен режиссер, бүгінгі таңда Астана қаласы, Қалибек Қуанышбаев атындағы Қазақ Ұлттық академиялық

драма театрының көркемдік жетекшісі болып еңбек етіп жатқан Гүлсина Мерғалиева театрға қонақ болып келді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.