Жыл басынан бері 88 805 жол қозғалысы ережесін бұзу фактісі анықталған. Оның 38 885-і жол ережесін өрескел бұзған жүргізушілер құрайды. Жол ережесін бұзудағы ең көп кездесетіні – көлік жүргізу кезінде қауіпсіздік белдігін тақпау және ұялы телефон пайдалану, деп хабарлайды mangystaumedia.kz сайты облыстық ПД сілтеме жасап.
Жүргізушілерге ҚР ӘҚБтК-нің 593-бабы бойынша (жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау) бойынша 19 108 хаттама толтырылды. Ал ҚР ӘҚБтК-нің 591-бабы (көлiк құралын басқару кезiнде жүргiзушiнiң телефонды не радиостанцияны пайдалануы) бойынша 8 927 хаттама жасақталған.
Сондай-ақ көлікті мас күйінде жүргізу қылмыс екенін біле тұра, жыл басынан бері 729 жүргізуші ереже бұзған. Он айда тыйым салынған жерден жолды кесіп өткен 8765 жаяу жүргінші жауапкершілікке тартылды. Сондай-ақ 1227 жүргізуші жаяу жүргіншілерге жол бермегені анықталды.
Бұдан бөлек 100-ден астам жүргізуші көлікті қарсы бағыттағы қозғалысқа шығарғаны үшін жауапкершілікке тартылды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
