ІІМ Тергеу департаменті қажылық туризмін ұйымдастыру саласындағы алаяқтық фактісі бойынша қылмыстық істі тергеп жатыр, деп хабарлайды mangystaumedia.kz сайты polisia.kz-ке сілтеме жасап.
Жедел тергеу іс-шараларының нәтижелері бойынша "Zam Zam Qazaqstan" ЖШС туристік компаниясының басшысы Сауд Арабиясына қажылықты заңсыз ұйымдастырғаны әшкереленді.
Сауд Арабиясы Корольдігінің мемлекеттік органының ресми сайтына ұқсас, қажылық жасауға берілген визаның заңдылығын растайтын сайтты құру фактісі анықталды.
22 қарашада күдікті соттың санкциясымен қамауға алынды. Сотқа дейінгі тергеу жалғасып жатыр.
Қылмыстық іс жүргізу кодексінің 201-бабына сәйкес тергеу мүддесіне байланысты өзге мәліметтер жарияланбайды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
