«Қошқар–Атаға» рұқсатсыз ағынды су төккен мекемеге айыппұл салынды
[ 2019 ] 27 наурыз, 05:17 | Құқық
«Каспий жылу, су арнасы» («КЖСА») мемлекеттік коммуналдық мекемесіне экологиялық заңнаманы бұзған үшін айыппұл салынды. Бұл жөнінде Маңғыстау облысы мамандандырыған ауданаралық экономикалық сотының судьясы Айгүл Борашевадан білдік.
- Аумақтық экология департаменті «КЖСА» МКМ-нен 450 077 877 теңге қоршаған ортаға келтірген зиянды өндіру туралы талап арызбен Маңғыстау облысының мамандандырылған ауданаралық экономикалық сотына жүгінді, - деді судья.
- Бұл мән-жайлар Маңғыстау облысының табиғатты қорғау прокуратурасы жүргізген тексеру барысында анықталған. Сот отырысы барысында «КЖСА» МКМ-нің 2015-2017 жылдар аралығында Ақтау қаласының жоғары шағынаудандарының ағынды суларын тазаламай және атмосфераға шығындарға рұқсат алмастан «Қошқар–Ата» қалдық қоймасына төгіп келгені анықталды.
Сот талап арызды қанағаттандырып, «КЖСА» МКМ-нен мемлекет пайдасына 450 077 877 теңге өндірді. Сот шешімі заңды күшіне енген жоқ.
Валентина ҚОЗЫБАҚОВА
840
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
