©
Ақтауда бір адам «Цесна банктің» филиалын тонамақ болды.
«Маңғыстау облысы ІІД кезекші бөлімінің басқару пультіне сағат 10:30-да Ақтау қаласының 15 шағынауданда орналасқан «Цесна банк» ғимаратына қарақшылық шабуыл жасалғаны туралы қоңырау келіп түсті», - деп хабарлады Маңғыстау облысы ІІД баспасөз қызметі.
Банктің күзетшісі қару қолданатыны туралы ескерту үшін және дабыл дыбысын беру не көмекке шақыру үшін аспанға оқ атып, күдіктіні қорқытып жіберген.
Күдікті қылмыс орнынан жасырыну үшін банктен қашып шығады, бірақ оны осы жол бөлігінде тұрған жол-патрульдік қызметі ұстаған.
Аталған факті 2018 жылғы 21 мамырда Маңғыстау облысы ІІД Сотқа дейінгі тергеп-тексерудің бірыңғай тізіліміне ҚР Қылмыстық кодекстің 192 бабы 2 бөлігі бойынша тіркелді. Сотқа дейінгі тергеп тексеру жүруде.
Камшат ОҢҒАЛТАЙ,
Сурет сайттың архивінен
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
