Қолданатын тағамың қауіпсіз бе?

Түпқараған ауданы өнімдерді сатып алу арқылы қауіпсіздігін қадағалайтын техникалық регламенттеу бөлімінің бастығы Ж.Саламатова өнім қауіпсіздігін қадағалау мақсатында ай сайын тағам, өнеркәсіп, балалар ойыншығы мен киімдерге де мониторинг жүргізіп отырғанын жеткізді.

Осы жылдың 3 айында 1600­-ден астам сынама алынып, оның 107-­сі сәйкес болмай шыққан. Оның ішін­ де микробиологиялық көрсеткіштер, физика­химиялық көрсеткіштер бар. Ойыншықтардан таксикологиялық көрсеткіштер анықталған. Сонымен қатар тұтынушыны алдаушы өн­дірушілер де анықталған. Олар - ха­лал емес өнімді халал деп сатушы өндірушілер. Қоғамдық денсаулық сақтау комитеті ҚР Денсаулық сақтау министрлігінің kooz.mz.gov.kz сайты­нан еліміз бойынша импорттық, экспорттық өнімдерге әсіресе тағамдарға қатысты сәйкессіздік реестр тізімін көріп, таныса аласыз.

Материалды әзірлеу барысында осы сайтты қарап отырып, еліміздің басты қалаларындағы қоғамдық денсаулық сақтау комитетінің мамандары экспорттық өнімдерге зерттеу жасай отырып, көптеген кемшіліктер тапқанын байқадық. Атап айтар болсақ, құс еті­нен жасалынған сосискада шошқаның ДНК-­сы табылған. Сары май мен сүт өнімдеріндегі м.ү.м. қаптамада көрсетілген мөлшерге сәйкес еместігі, құра­мында табиғи емес заттар анықталған. Йогурттық өнімдерден ішек таяқшаларын тудырушы бактериялар мен кейбірінде дұрыс пастерленбегендік байқалған. Бұл қандай өнімдер екенін білгіңіз келсе, жоғарыда аталған министрліктің сай­тына шолу жасап көріңіз.

Жадыра ЖОЛДАСОВА

Көрнекі сурет әлеуметтік желіден алынған

ТАҒЫ ОҚЫҢЫЗ: Нұркен Өтеуілов «Маңғыстау театры жайлы пікірім өте жоғары»

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.