Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бүкіл әлемде мамыр айының әр үшінші жексенбісінде ЖИТС ауруынан қайтыс болғандарды еске алу күні өтеді. Биыл бұл күн 16 мамырға тұс келді. Дүниежүзілік ЖИТС-тан қайтыс болғандарды еске алу күні бүкіл әлемде 38-рет аталып өтіп жатыр. ЖИТС-тың алдын алу және оған қарсы күрес жөніндегі облыстық орталықтың эпидемиолог дәрігері Алмагүл Кемазанованың айтуынша, мұндағы мақсат—халықтың назарын АИТВ/ЖИТС таралуының алдын алу проблемасына аудару және АИТВ-мен өмір сүретін адамдар мен халықтың осал топтарын стигма көріністерінен және адам құқықтарының бұзылуынан қорғау.
- Халықаралық ЖИТС-тан қайтыс болған адамдарды еске алу күнінде біз АИТВ инфекциясымен өмір сүретіндердің барлығына қолдау көрсетеміз және бізбен бірге болмаған адамдарды және тірі адамдардың денсаулығына қамқорлық жасау қаншалықты маңызды екенін еске аламыз, - деді ол.-Биылғы #Одан артықпын #Больше Чем#MoreThan науқанының мәні—АИТВ-мен өмір сүретін адамдар қауымдастығының өмірлік тәжірибесінің, жетістіктерінің және армандарының сан алуандығын, жекелеген адамдардың тарихын әлеуметтік желілер арқылы жеткізу. Еске алу күні қарсаңында біз барлық ниет білдірушілерге тақырыпқа назар аударуды, әлеуметтік желілер арқылы жекелеген адамдардың тарихын жеткізу арқылы ЖИТС-нан қайтыс болған адамдарды еске алуды #ОданАртықпын #БольшеЧем#MoreThan науқанының мән-мағынасына қолдау ретінде бейнероликтер ұсындық. ЖИТС-тан қайтыс болғандарды аза тұту, еске алу белгісі ретінде, кеуделеріне қызыл матадан ілмешек тағу—ЖИТС-тың шекарасы, ұлты, жынысы мен жасы жоқ екенін түсінудің белгісі. Бұл күн АИТВ/ЖИТС біздің әрқайсымызға әсер етуі мүмкін екендігін еске салады. Биыл бұл ақпараттық науқан жағдайында өтіп жатыр.
ЖИТС-тың алдын алу және оған қарсы күрес жөніндегі облыстық орталықта 2021 жылдың 4 айында АИТВ инфекциясымен 18 адам тіркелген. Олардың үшеуі шетел азаматтары. Салыстырмалы түрде қарасақ, өткен жылғы осы мерзімде 17 жағдай тіркеліп, оның екеуі шетел азаматтары болған. Ал диспансерлік есепте 257 адам тұр. 2002 жылдан бері бұл дерттен 11 адам қайтыс болған.
Валентина ҚОЗЫБАҚОВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.