Қарақия ауданының әкімі ауыл тұрғындарымен кездесті

Қарақия ауданының әкімі Қ.Беков Сенек ауылында ауыл тұрғындарымен кездесіп, сан түрлі сұрақтарына жауап берді. Ақсақалдар ауылдың жетістіктеріне алғысын білдіре отырып, түйінді мәселелерін де алға тартты. Мәселен ауылдағы амбулаторияның қызметі көңіл көншітерлік емес, дәрі­дәрмек жеткіліксіз, бір ғана ескі жедел жәрдем көлі­гі жетіспейтіндігін айтқан ауыл тұрғыны Мырзағали Әбілқасовтың уәжіне: - Ауылдық амбулаторияда жедел жәрдем көлігіне қажетті қосалқы бөлшегін сатып алып беріп отырмыз, көлік жұмысқа жарамды, жүріп тұр. Ал амбулатория тұрғындарға алғашқы бір реттік жедел ем-­шараны ғана тегін жасайды. Одан кейін кезекті дәрі­-дәрмекті өздеріңіз сатып әкелсеңіз, процедура тегін жасалады. Сондай-­ақ әлеуметтік топтағы тіркеуде тұрған ауруларға тегін дәрі­-дәрмек беріліп отыр,­ - деді Алтынай Татайқызы. Бұдан соң ауыл тұрғыны Жадырасын Бай­муханов: - Ауылға жаңа интернет жүйесі келіп, әкімдік, мектеп сияқты төрт негізгі пунктке орнатылды. Ал жекелей ауыл тұрғындарына, көше-­көшеге желіні қосу үшін не істейміз?­ - деген сұрақ қойды. Бұл жөнінде аудан және ауыл әкімі толық жауап беріп, оңтайлы жолын түсіндірді. Айта кетейік, ауылдарға қосылып жатқан транстелеком қызметі қосылуға оңай әрі қолжетімді, жыл­дамдығы жоғары желі қызметімен ерекшеле­неді. Бұдан кейін Шәуімбай Қойшыбаев ақсақалдың көтерген Қамыстыдағы тоған мәселесі жөнінде аудан басшысы «Өзенмұ­найгаз» мекемесімен келісімге келе отырып, ауыр техника сұрататынын айтты. Сондай­-ақ жиында А.Берішбаева тұрғындарға мін­детті әлеуметтік-­медициналық сақтандыру туралы кеңінен түсіндірді. Ауылдың әрбір тұрғыны амбулаторияға барып, өзінің санатын анықтатуын ескертті. Бұдан соң ардагерлер мен аудан, ауыл басшылары Сенекте бой көтерген жаңа балабақшаның ашылу салтана­тына қатысты.

Шынар КЕНДІН