Ақтауда күн көзінен қуат алатын «Смарт-орындық» орнатылды
[ 2019 ] 8 мамыр, 06:44 | Қоғам
Ақтауда 14 шағынаудан теңіз жағалауында күн көзінен қуат алатын «Смарт-орындық» орнатылды, - деп хабарлайды mangystaumedia.kz сайты Ақтау қаласы әкімдігіне сілтеме жасап.
«Смарт-орындық» күнқағарға орнатылған күн панельдерінен электр энергиясын алады. Тұрғындардың орындыққа отырып ұялы телефондарын қуаттай алуға мүмкіндігі бар. Заманауи орындық 4 USB-зарядтау порты, қуаты 10 вт сымсыз зарядымен және жылдамдығы 150 Мбит\с, 4-20 метр қашықтыққа дейін созылатын 4G LTE интернет желісімен қамтамасыз етілген. Сондай-ақ сыйымдылығы 70 Аһ аккумляторымен жабдықталған. Сонымен қатар түнде адам "смарт-орындыққа" жақындаған кезде ақылды жарық өздігінен іске қосылады.
Айта кетейік, "Келешек" ЖШС-тің бастамасымен "Цифрлы Қазақстан" бағдарламасы аясында орнатылған "Смарт-орындық" жобасы Ақтау қаласына сыйлыққа берілді.
«Келешек» ЖШС мекемесінің айтуынша, алдағы уақытта мұндай орындықтардың санын арттыру жоспарда бар.
Жұлдызай ҚАЛИЕВА
Суретті ұсынған Д.ШАКИРОВ
1481
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
