Ақтаудағы «Мәңгілік алауда» патриоттық әндер шырқалады (ВИДЕО)
[ 2019 ] 2 мамыр, 14:04 | Қоғам
Мамыр айынан бастап «Мәңгілік алау» монументінде күн сайын қазақ және орыс тілдерінде патриоттық әндер шырқалады, - деп хабарлайды mangystaumedia.kz сайты.
Былтыр «Мәңгілік алау» монументіне жөндеу жұмыстарының жүргізілетіні жөнінде шешім шығып, маусым айында абаттандыру және жөндеу жұмыстары басталған еді. Жөндеудің жалпы құны - 67,2 млн. теңге. Былтыр бюджеттен 20 млн. теңгесі ғана бөлінсе, биыл қалған қаражат толық аударылып, «Мәңгілік алау» монументін жөндеу жұмыстары жалғасты.
Бұл жөнінде сайтта жазған едік.
«Бүгінде мердігер мекеме «МТС-Актау» ЖШС монументтің бес қанатына сұйық травертин құйып, мәрмәр тастарды қайта жаңартты. Сонымен қатар айналасындағы тіреу қабырғаларына да мәрмәр тастар орнатылды. Сондай-ақ тәрбиелік мәні бар патриоттық әндер тесттік режимде іске қосылды»,- дейді қалалық тұрғын-үй коммуналдық шаруашылығы бөлімі басшысы Қайрат Ақыбаев.
https://www.youtube.com/watch?v=2CAuWI91ZVk
Енді 1 мамырдан бастап монумент алаңында таңғы 9:00-ден кешкі 21:00-ге дейін қазақ және орыс тілдерінде патриоттық әндер шырқалады.
Ақтау қалалық тұрғын-үй коммуналдық шаруашылығы бөлімі басшысының айтуынша, жөндеу жұмыстары толық аяқталмаған. Келісім-шарт бойынша 31 мамырға дейін тиісті мердігер мекеме монумент айналасын гранит тастарымен қаптау қажет деп отыр.
Жұлдызай ҚАЛИЕВА
Суреттер мен видеоны түсірген Талант ҚҰСАЙЫН
[gallery td_select_gallery_slide="slide" ids="78460,78457,78456,78452"]
1523
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
