Ондыдағы өркенді істер

Маңғыстау облысының әкімі Ералы Тоғжанов жұмыс сапарымен Онды ауылына барды. Ауыл тұрғындарының қолдауымен ауылдан мешіт салу жөнінде бастама көтерілген болатын. Аймақ басшысы Онды ауылындағы іссапары барысында кәсіпкерлердің қолдауымен іргетасы қаланғалы отырған жаңа мешітке ат басын бұрды. Ералы Тоғжанов мешіттің жобасымен танысты. Сондай-ақ іргетасын құю рәсіміне қатысты. Мешіт құрылысына жеке кәсіпкерлер С.Мұсабаев, А.Меңдібаев, Қ.Әбдірахманов демеушілік көрсетіп отыр. Мешіттің жалпы жер көлемі – 256 шаршы метр. Мұнарасының биіктігі 18 метр, күмбезі 12 метр болса, қабырғасы 5 метр. Ауыл тұр­ғындарының ғибадат жасайтын құлшылық үйінің құрылысы осы жылдың қыркүйек айында аяқталмақ. Өңір басшысы аудан әкімі Тілек Көшмағанбетовке мешіттің ин­фрақұрылымын назарға алу жұмыстарын тапсырды. Онды ауылдық округі құрамына Онды ауылы және Бекі, Басқұдық елді мекендері кіреді. Онды ауылдық округінде барлығы 242 отбасында 1580 халық тұрады. Онды ауылдық округінде 1984 жылы пайдалануға берілген 320 орындық, 2006 жылы күрделі жөндеуден өткен орта мектеп бар. 2018 жылы 30 шілдеде Онды орта мектебінің ата­уы ҚР Премьер-­Министрі Б.Сағынтаевтың қаулысымен жерлесіміз заңғар жа­зушы, мемлекет және қоғам қайраткері Ә.Кекілбайұлының атындағы орта мектеп болып бекіді. Ә.Кекілбайұлы атындағы орта мектепте 270 бала білім алады. Бекі елді ме­кенінде 1995 жылы ыңғайландырылған 50 орындық Бекі бастауыш мектебі ғимараты бар. Бекі бастауыш мектебінде 45 бала білім алуда. Одан соң Ералы Тоғжанов тұрғындармен кездесті. Жиында Онды ауылының әкімі Балтабай Балапан елді мекеннің әлеуметтік­ экономикалық даму көрсеткіштеріне тоқ­талды. Ауыл әкімінің айтуынша, селолық округ бойынша халықтың экономикалық белсен­ді бөлігі 589 адам, 2019 жылға осы сәуір айына жаңа форматтатағы 8 отбасына атау­лы әлеуметтік көмек тағайындалды. «5/50» бағдарламасымен жұмыстан босағандар са­ны – 10, оның 5­-еуі жұмысқа орналасқан. – Онды ауылдық округінде құрылысы 1985 жылы пайдалануға берілген, 2009 жы­лы күрделі жөндеуден өткен 50 орындық «Құлыншақ» балабақшасында 50 бала мектепке  дейінгі тәрбие алуда. Бекі ауы­лында мектепке дейінгі балаларды тәрбиелеу үшін 26 орындық «Қарлығаш» шағын орталығы жұмыс жасайды. Онда қазір 13 бала мектепке дейінгі тәрбие алу­да, – деді өз сөзінде ауыл әкімі Б.Балапан. Ауыл халқына 150 орындық 1999 жылы салынған, 2009 жылы күрделі жөндеуден өткен мәдениет үйі және екі кітапхана мәдени қызмет көрсетеді. Онды мәдениет үйінде қазіргі кезде Онды халық театры, ән, домбыра, «Ақ-­Кербез» ән-­аспап ансам­блі, Көңілді тапқырлар әзіл-­сықақ, Жол­болаевтар жанұялық ансамблі, «Алтынай» би ансамблі, «Ертөстік» балалар театры үйірмелері жұмыс жасайды. Сонымен қатар ауыл тұрғындарына 2009 жылы күрделі жөндеуден өткен Маңғыстау аудандық ауруханасының құрамына кіре­тін, ыңғайландырылған ғимаратта орналас­қан Онды селолық дәрігерлік амбулатория­сы медициналық қызмет көрсетіп келеді. Амбулаторияда 7 төсектік күндізгі ем алу бөлімі бар. Онды дәрігерлік амбулаториясы құрамына Бекі елді мекені халқына қызмет көрсететін 1 медициналық пункт жұмыс атқаруда. – Ауылда «Қазпошта» ААҚ-­ның Онды бөлімшесі халыққа мүлтіксіз қызмет етіп келеді. Байланыс бөлімшесі арқылы халықтың зейнетақысы, жәрдемақысы, еңбекақылары төленеді. Сонымен бір­ге газ, жарық, телефон төлемдерімен есептеседі. 2018 жылы шыны-­талшықты телефон желісі тартылып, интернет байла­нысы орнатылды. Қазіргі кезде 65 жеке үй және 4 мекеме барлығы 69 нүкте интернет желісін пайдаланып отыр. Онды ауылында «Вeeline», «Ксell» байланыстары бар, – деді Б.Балапан. Ауылда пластикалық бұйымдар жасай­тын, үй жанынан ашылған цех, азық­-түлік сататын 6 дүкен жұмыс жасап тұр. Бекі елді мекенінде 1 азық-­түлік дүкені, бір қоғамдық тамақтану орны (шайхана) жұмыс жасай­ды. 2018 жылы газ құю станциясының құ­рылысы аяқталып, жұмысын бастады. Тұрғындардың негізгі қызмет түрі – мал шаруашылығы. Ауылда барлығы 32 шаруа қожалығы жұмыс жасайды. Ауыл әкімінің мәліметінше, мемлекеттік бағдарламалар бойынша 2017 жылы 3 ауыл тұрғыны несиеге мал алса, 2018 жылы «Ата­мекен», «Ауыл шаруашылығын қаржылай қолдау» қорынан ауыл тұрғындары Әмір Манаш 3 млн. теңге жылқы өсіруге, Бердияр   Қайырғалиұлы 4 млн.теңге түйе малын  өсіруге, Әзиз Құлбас 4 млн. жылқы ма­лын, Қуаныш Сейдахметов 3,5 млн. ұсақ мал өсіру үшін несие алған. Бес ауыл тұрғыны «Биз­нес бастау» курсын оқуда. Биыл табиғи мал азығын дайындайтын кәсіпкерлер    өнімдерін ауылға 600­-650 теңге аралығындағы бағамен сатуға меморандумға отырған. 2018 жылы 2 шаруа қожалығы малдарын жайылымға Үстіртке шығарды. Ауыл басшысы 2018 жылды қорытын­дылай келе бірқатар игі істердің атқа­рылғандығын баяндады. Басқұдық­-Бекі ауыз суының екінші кезеңі аяқталып, Бекі елді мекеніне көше жарығы тартыл­ғандығын айтты. Маңғыстау ауданы әкімі Тілек Көшмаған­бетов тұрғындардың әл-­ауқатын жақсарту мақсатында арнайы жоспарлар жасақталып, аудан мен ауылдардағы қордаланып қалған өзекті мәселелерді уақытылы шешу үшін осы жоспарға сай бірқатар жұмыстар ат­қарылып жатқандығын баяндап берді. Аудан орталығында 3 ауысымдық оқытудың алдын алып, өткен жылы жаңа 600 орындық мек­теп пайдалануға беріл­ген. «Ауыл – ел бесігі» бағдарламасы аясында осы жылы ауданда екі мектеп, мәдениет үйі мен ауыл клубы күрде­лі жөндеуден өтеді деп жоспарлануда. Жақында бастау алған «Бизнес 3 күнде» жобасына қажет­ті материалдар алынып, ауданда дайындық жұ­мыстары басталып кетк­ендігін атап өтті. Бұдан басқа да аудан­да бірқатар жұмыстар атқарылуда. Цифрлан­дыру бағдарламасы ая­сында 2ГИС жүйесін іске қосу, көше жарық­тандыруына «ақылды» шамдарды пайдалану, көрсетілетін мемлекеттік қызметтерді электронды форматқа өткізу т.б жұмыстар ұйымдастырылуда. – Біздің басты міндетіміз – халықтың әл-­ауқатын көтеру, тұрмыстық жағдайын жақсарту. Көмекке мұқтаж отбасылар, көп балалы отбасылар, жұмыссыз жастармен жұмыстар жүргізілуде. Жағдайы төмен отбасылар тізімі шығарылып оларға ме­кемелер, кәсіпкерлер арқылы түрлі қайы­рымдылық көмектер ұйымдастырылып жатыр. Алдағы уақытта да тек өлкеміздің өркендеуі, дамуы бағытында жұмыстар ат­қара беретін боламыз, – деді Маңғыстау ауданы әкімі Т.Көшмағанбетов. Жиын соңында өңір басшысы аудан әкі­мі мен облыстың басқарма басшыларына Әбіш Кекілбаевтың 80 жылдық мерейто­йына арналған республикалық іс-­шараның жоғары деңгейде өтуіне тиісті бірқатар жұ­мыстарды атқаруды тапсырды.

Зухра ӘБДІЛ-САТАР Суреттерді түсірген Серік МАЙЕМЕРОВ

[gallery td_select_gallery_slide="slide" ids="78390,78388,78389,78391,78392,78393"]