Бостан ауылының кітапханасы жаңа кітаптармен толықты

©

Кітап арқылы адамзат ақыл-ойының, інжу­-маржанын бойына­ жинайды да, оларды­ ұрпақтан-ұрпаққа жеткізеді­. Кітап - барлық білімдер­дің­ басын бір жерге то­ғыстырып, кез-келген сәтте­ көмекке келетін ерен күш, әрі білімді жетілдіріп,­ жан-жақты ізденіп, тіл байлығын дамытып, саналы­ да, білімді адам шығаруда­ таптырмайтын, баға­ жетпес дүние. Кітап оқу арқылы баланың ой-өрісін­ кеңейтеді, ойлауға үйретеді,­ сөйлеу қабілетін, есте­ сақтауын, қиялын дамы­тады,­ танымдық және дамытушылық­ қызметін анықтайды­.

Бостан ауылдық кітапханасына жаңадан­ кітаптар келіп түсті.

Құдайберді Бағашардың «Ала жіпті­ аттама» кітабы елдің нанын­ емес, жұрттың­ қамын жеуге­, Аллаһ алдын­дағы­ аманатымызды­ адал ат­қаруға үндейтін бірден-бір кітап­.

«Бесіктен бел асарға» бұл кі­тапта жанұяның татулығы мен жылылығын сақтау турасында­ пайдалы ақыл-кеңес­тер­ береді. Бұған қоса, баланы жастайынан адамгершілік пен имандылыққа­, ізгілік пен діндарлыққа тәрбиелеуде­ қай тұстарға ерекше көңіл бөлу керектігі жөнінде тың ойлармен бөліседі.

Ә.Тұрақұлованың «Балам жақсы болсын десеңіз­» кітабы - бүгінгі күннің тәрбие ісіне психологиялық­ әрі әлеуметтік тұрғыдан үлес қосумен, бала тәрбиесін кешенді қолға алудың­ сан қырын ашып көрсетеді­.

Н.Қайырмұхаммедтің «Апатқа­ апарар үш ін­дет» кітабы­ - бүгінгі күні қоғамдық кеселге айналып отырған теме­кі­, арақ, есірткінің тигіз­ген зардаптары­ мен адам өміріне қаншалықты­ қауіптілігі сөз етіледі­. Мақсат – ендігі жерде жас ұрпақтың бұлармен улануы­на­ жол бермеу. Барша оқырман­ қауымға арналған бұл кітап арнайы әлеуметтік сауалнама­ нәтижелеріне, статисти­­калық­ мәліметтерге, зерттеулерге­ сүйенумен, сондай­-ақ адам сезімін­ селт еткізетін мағыналы әңгімеле­рімен­ қатар имандылық­ жағын­ қоса сөз етуімен де құнды­.

М.Жұмадиллаеваның «Пайғамбары­мыздың­ аяулы­ қызы­ – Фатима», сондай-ақ кітапханаға­ К.Бекжігітованың «Ойыңды­ өзгертіп, өміріңді өзгерт­!», Қ.Қалиеваның «Бақыт­тың кілті - әйелде!», З.Ахме­тованың­ «Күретамыр», «Баба­лар аманаты», Л.Сұлтан­қы­зының­ «Әйел құпия­сы», М.А.Қанғанның­ «Жұбайлар­ шаттығы­», тағы да басқа кітаптар­ келіп түсті. Келіңіздер­, кө­ріңіздер! Кітап нәрімен сусындайық­!

Базаргүл НҰРҒАРАЕВА, Бостан ауылы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.