Рухани жаңғыруға тың серпін қосқан

Елбасы Нұрсұлтан Назарбаевтың кеңістік пен уақыт тоғысындағы ұлт тарихына шегініс жасай отырып жазған «Ұлы даланың жеті қыры» атты мақаласы «Рухани жаңғыру» бағдарламасын жүзеге асыруға тың серпін, жаңа қарқын қосты.

Ат үстіндегі ұлт бейнесі мен тұяғының астындағы жер-­әлем тарихы; түркі жұртымен тығыз қарым­-қатынас ор­натып, қазақ елін оның орталығы қылу; архео­логиялық қазба жұмыстарын жүргізуді жүйелі түрде жалғастыру; Жібек жолы бойындағы ортағасырлық мәдениетімізді, батыс пен шығыс өркениетінің ортасындағы байланысымызды мәдениетіміз бен әдебиетіміз арқылы зерттеу, оны жаңа заман талабына сай цифрландырып, бұқараға қолжетімді қылу; әр дәуірдегі тари­хи тұлғаларды өзіміз танып, өзгеге таныстыру арқылы насихаттау; ішкі­-сыртқы, яғни отан­дық және алыс­жақын шетелдердегі архивтерде жатқан ақтаңдақтарды анықтау, зерттеу – аза­маттық борышымыз.

Мақала жариялана салысымен алғаш болып офисіміздің жанындағы сараптау кеңесінің мүшелері мен спикерлері Маңғыстау облыстық өңірлік коммуникациялар қызметінде баспасөз конференциясын өткізді. Оған ақын, сәулетші Сайын Назарбекұлы, археолог­өлкетанушылар Андрей Астафьев пен Бекболат Төлегенұлы, ғалымдар Нағбду Қамарова мен Айгүл Деме­уова, ақын, журналист Гүлайым Шынтемірқызы қатысып, алдымен мақала туралы пікір біл­діріп, журналистердің сұрақтарына жауап беру арқылы осы бағытта қандай жұмыстар қолға алынғанын, жасалып жатқанын, бұдан ары да не істеу керегі туралы ойлары мен ұсыныстарын айтты.

С.Назарбекұлының «Абай әлеміне саяхат» жобасы, Г.Шынтемірқызы көтерген Адай жыл­ қысы тұқымын зерттеп, насихаттау, ұлттық құн­дылығымыз ретінде әлемге таныту, сондай-­ақ Маңғыстаудағы құдықтарды тарихи­-мәдени ес­керткіш ретінде қамқорлыққа алу, А.Астафьев пен Б.Төлегенұлының өлкедегі археологиялық зерттеу мәселелері, архивпен жұмыс жобалары, осы бағытта А.Демеуова көтерген  біліктілік­ті арттыру міндеттері, Н.Қамарованың ұлттық фольклор жанрындағы, тарихи тұлғалардың өмірі мен қызметін таныту туралы айтқан идеялары алда талай жұмыстар атқаруға мүмкіндігіміз барына көз жеткізді.

Өлкемізде «Рухани жаңғыру» бағдарламасы аясындағы реестрге енген және реестрден тыс ұлттық құндылықтарымызға негізделген екі жүзден астам жоба бар. Енді өңірлік сараптау кеңесінің кезекті отырысының күн тәртібінің бір тармағы қылып, сол жобалардың ішіндегі «Ұлы даланың жеті қырына» сай келетін және тағы басқа бастамашыл азаматтардың қосымша жо­баларын қабылдап, талқылауға, қаржыландыру үшін тиісті басқармалар тарапынан бюджеттік өтінім беруге ынталымыз.

Гүлайым АЗАН, «Рухани жаңғыру» өңірлік жобалық офисінің басшысы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.