Тұщыбек жастары «Не? Қайда? Қашан?» зияткерлік ойынында алға шықты

Жуырда Тұңғыш Президент күні мерекесіне орай аудандық жастар ресурстық орталығының және Маңғыстау аудандық білім бөлімінің ұйымдастыруымен жастар арасында «Не? Қайда? Қашан?» зияткерлік ойыны өтті.

«Рухани жаңғыру» бағдарламасы мен Маңғыстау ауданының 90 жылдығының маңыздылығын жастарға түсіндіре, олардың бойына елжандылық сезімін ояту, жауапкершілігі мол, ой-өрісі кең, көшбасшы бейнесін қалыптастыру мақсатында өткізілді. Аудан жастарының білімін шыңдау, аудан тарихы мен өткенін ұрпақ жадында сақтау, құрметтеуге шақыру болып табылады.

Зияткерлік ойынына Тұщыбек, Шебір, Өтес ауылының жастар құрама командалары мен Алшын Мендалиев, Нұн Жұбаев атындағы орта мектеп оқушыларынан құралған командалар қатысты. Жарыс «Әлем», «Қазақстан», «Маңғыстау» бөлімдерінен тұрды. Аталған бес топ тек көшбасшылық қасиеттерін көрсетіп қана қоймай, командамен жұмыс жасай білді. Бірнеше сағатқа созылған ойында ең көп сұраққа жауап берген Тұщыбек ауылы жастарының «Отпан» командасы мен Нұн Жұбаев атындағы орта мектеп командасы жүлделі бірінші орынды алды.

Екінші орынды Шебір ауылының «Қаратөбе» командасы, үшінші орынды Өтес ауылының «Сайөтес» жастар құрама командасы місе тұтса, «Оқушылар» тобынан екінші орынды А.Меңдалыұлы атындағы орта мектептің «Алшын жастары» командасы алды.

Қалампыр ТӨЛЕГЕНҚЫЗЫ, аудандық жастар орталығының маманы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.