Сам орта мектебіндегі кездесу

Баспасөзге жазылу науқанына орай Бейнеу ауданындағы үлкен мектептердің бірі Сам орта мектебінде болып, оның кең залында ұжым мүшелерімен кездесу өткізген едік. Жиын соңында мектеп директоры, аудандық мәслихат депутаты, өнер жанашыры, аудандағы жас мектеп директорының бірі Сағатбек Жұбановпен сұхбаттасуға мүмкіндік болған еді.

- Сағатбек Орынғалиұлы, бұрын ауданның маңдай алды оқу орындарының бірі болған Бейнеу лицейін басқарған едіңіз. Енді, міне, сол қызметті ұжымы лицейден гөрі әлдеқайда көп үлкен Сам мектебінде жалғастырып отырсыз. «Жас келсе іске» деген мектеп өмірінде қандай жаңалықтар болып жатыр? Бұл кейінгі жылдары салынған жаңа мектептердің бірі ғой, жалпы жағдайы қалай?

– Ең алдымен, мектепке газет жұмысымен атбасын тіреп келіп жатқандарыңызға қош келдіңіз деп қояйын. Өзіңіз айтқандай Сам мектебі – аудандағы үлкен мектептің бірі. Ел­басының «Қазақстан – 2050: бір мақсат, бір мүдде, бір болашақ» атты Жолдауында: «Мәң­гілік ел жолының бастауы – мектеп» дейді ғой. Осы мақсаттағы Сам орта мектебінің пайдалануға берілгеніне бес жылдай уақыт болды. Материалдық-техникалық базасы туралы айтар болсақ 33 оқу кабинеті, жаңа өздеріңіз кездесу өткізген екі жүзге жуық орындық акт залы, спорт залы, үш-­үштен медициналық, лингафон кабинеттері, сондай-­ақ асханасы, ағаш өңдеуге, металл өңдеуге және мата өң­деуге арналған үш шеберханасы, абономент залы мен 24 орындық оқу залы бар кітапхана­сы бар.

Аталған мектептің алғашқы директоры Же­ңісбек Күзекбаев мектеп мұғалімдерінің пе­дагогикалық ұжым болып қалыптасуына қызмет арнады. Одан соң мектепте Марат Мол­дағалиев басшылық қызмет атқарды. Бес жыл­дың ішінде мен осы мектепке үшінші дирек­тор болып келген екенмін. Келгелі бұрынғы қызметті жалғастырумен қатар, мектептің іш­кі және сыртқы жағдайларына көптеген өзге­рістер енгізуді қолға алдық. Бұл мектептің өз­ге мектептерден ерекшелігі – мектеп жанында жылыжайы бар. Атап айтар болсақ, қияр, қы­занақ, аскөк сияқты өнімдерін бере бастаған жылыжай жұмысын одан әрі дамытуға кірістік. Кітапхана қоры көбейді. Мектеп ішін безенді­ру мақсатында көптеген стендтер жаңартылып, «I love Sam» инсталляциясы жүзеге асты. Мек­теп тұтас интернет желісімен қамтылды. Газон­ға отырғыштар орнаттық, мектепті оқушылар­ға қажетті әртүрлі спорт құрал-­жабдықтарымен қамтамасыз етуге назар аудардық.

Алдағы уақытта мектеп мұражайы мен «Табиғат мүйісін» жасап, әртүрлі гүлдермен безендіру жоспарланып отыр.

– «Мектептің тірегі – ұстаз» демекші, білім беру ісін дамытуда мұғалімдер тарапынан жүзеге асырылып жатқан істерге тоқтала кетсеңіз?

– Қазіргі мектеп мұғалімі қоғам талаптарын ескеріп, өзінің алдына педагогикалық мін­деттерді қоя және шеше білетін, оқыту мен тәрбиенің озық технологиясын меңгерген, білім беру үрдісін басқара алатын, тәжірибеде педагогикалық ситуацияларды оқушы тұл­ғасының дамуына бағыттап жобалай және жүзеге асыра алатын бәсекеге қабілетті, шығармашыл тұлға болуы қажет. Мұғалімнің алдында сабақ сапасын көтеру түрін жетілді­ру, оқушының сабаққа деген қызығушылы­ғын арттыру, қабілетін арттыру міндеттері тұр. Демек, мұғалім бір ғана әдіспен шектел­мей, шығармашылығын шыңдап, озық іс­-тә­жірибелерді пайдалана білуі шарт.

Қазіргі таңда еліміздің педагогтары үшін Қазақстан Республикасы педагог кадрлары­ның біліктілігін арттырудың деңгейлік бағ­дарламасының алатын орны ерекше. Мекте­бімізде педагог қызметкерлердің біліктілігін арттыру курстарынан бірінші деңгей бойын­ша екі мұғалім, екінші деңгей бойынша бір мұғалім, үшінші деңгей бойынша тоғыз мұға­лім оқып, сертификат алып, қазіргі таңда заман талабы бойынша шығармашылықпен жұмыс жасауда. Педагогикалық ұжым оқушылар­ға сапалы білім, саналы тәрбие беру жолында шығармашылықпен жұмыстанып келеді. Мек­тепте 107 мұғалім еңбек етуде. Педагогика­лық ұжым үшін жас ұрпаққа берілер білім мен тәрбиенің өз мәнінде сапалы болуы бірінші кезекте тұрғандығы анық. Осы тұрғыда қызмет жасап келе жатқан педагогикалық ұжымның айтарлықтай табыстары бар.

Қазіргі заманның талабы – көптілділік. Адам баласының рухани байлығы, тәрбиесі, білімі бәрі де тіл арқылы жетіледі. Яғни адамның сөздік қоры бай болуы үшін тілін, ой­өрісін жан­-жақты дамыту керек. Сол себепті бола­шақ ұрпағымызға үштілділікті қажетті деп ұғындыру ұстаздың ең басты міндеті болып табылады. Білікті ұстаздарымыз баршылық. Мәселен, қазақ тілі мен әдебиеті пәні мұға­лімі Нұрсұлтан Оңғарбаев, тарих пәнінің мұғалімі Бағила Айсұлтанова облыстық сай­ыстарда жүлделі орындарға ие болып жүр. Алаш партиясының 100 жылдығына орай Атырау қаласында өткізілген аймақтық ғы­лыми-­тәжірибелік конференциясында тарих пәнінің мұғалімі Бағила Айсұлтанованың «Азаттықты аңсаған алаш арыстары» атты мақаласы жинақ кітапшаға енгізіліп, арнайы сертификатқа ие болды. Математика пәні мұ­ғалімі Айнұр Төлегенова жас мамандар са­йысының облыстық турында командалық құрамда ІІІ орын алды. Ал аудандық сайыстар­ да тарих пәні мұғалімі Ұшыға Оразбекова, ағылшын тілінің мұғалімі Толғанай Таңбаева, қазақ тілі мен әдебиеті пәні мұғалімі Айжамал Телмағамбетова, информатика пәні мұғалі­мі Әсем Ерғалиева, әлеуметтік педагог Ақзия Ұлыкманова, өзін­-өзі тану пәні мұғалімі Жаңылсын Айтжанова жүлделі орындардан көрініп, өздерінің білімдері мен мүмкіндіктерін көрсетіп жүр.

Мектепте білікті математиктер қалыптасып келе жатыр десек артық айтқанымыз емес. Соның мысалы ретінде айтар болсам, аудан­дық математика пәні мұғалімдерінің сайы­сында мектебіміздің «Вектор» командасы І орынға ие болды. Команда құрамында Тойғали Сүймухамедов, Жазира Жолдасова, Айнұр Тө­легенова, Айгерім Аяпова болды.

– Ал ендігі сөз кезегі мектептің жүрегі болып саналатын шәкірттер туралы болсын?

– Әлбетте! Қазіргі таңдағы мектепте оқи­тын оқушылардың санын дөңгелектеп айтсақ мыңға жуық. Шәкірттердің тек соңғы жылдағы жетістігіне тоқталып өтейін. Жаратылыстану­-математика бағыты бойынша 7, 8­-сынып оқу­шыларының олимпиадасының аудандық ке­зеңінде математика пәні бойынша 8­-сынып оқушысы Ырысты Байеділова жүлдегер болды. Жетекшісі Зияхан Жолдасова. Осы оқушы яғ­ни Ырысты «Жарқын болашақ» республика­лық олимпиадасының аудандық кезеңінде «Тілші-­әдебиетшілер» байқауы бойынша ІІ дәрежелі дипломмен марапатталды. Жетекші­сі Гүлжайнар Чопанова. Облыстық «Сыбайлас жемқорлық – жастардың көзімен» тақырыбын­дағы сыбайлас жемқорлыққа қарсы үндейтін карикатуралық плакаттар байқауында Айгерім Өсербаева І орын иеленіп, ноутбук алды.

«Математикалық регата» турнирінің аудан­дық кезеңінде Сам орта мектебінің «Ақжел­кен» тобы ІІ дәрежелі дипломмен марапаттал­ды. Туған жердің табиғатын аялап, тазалығын сақтау барысында мектебіміздің мұғалімдері мен оқушылары белсенді атсалысып келеді.

Мектебіміздің биылғы жас түлектері елі үшін қандайда бір жақсы іске үлес қосу мақсатында «қайырымдылық» эстафетасын ұйымдастырды.

Футболдан 2003-­2004 жылы туылған оқушылар арасында өткен аудандық «Былғары доп», «Мектеп лига­сы» турнирінде Сам орта мектебі  командасы І дәрежелі дипломмен марапатталды. Жетек­шісі Қайыр Иниргалиев. Облыстық деңгейдегі жарыста ІІІ орынмен оралды. Облыстық «Caspian Start­up–2018» байқауына қатысқан 128 жобаның ішінде іріктеліп «20 үздіктер» қатарына енген мектебіміздің оқушылары Ырысты Байеділова мен Баймұрат Байеділов байқаудың ақтық кезеңінде жаңашыл идеяла­рымен көзге түсіп, «Форте Банк» демеушілігі­мен 300 мың теңге ақшалай сыйлыққа ие бол­ды. Жетекшісі Айнұр Майланова. Жалпы осы сұхбатта жоғарыда аталып өткен мұғалімдер мен оқушылардан басқа да сапалы білім бе­ріп, үздіктер қатарынан көрініп жүрген Сам мектебінің мақтаныштары баршылық. Олардың барлығын атап шығу мүмкін емес.

– Рақмет, атажайлау Самның атымен аталған мектеп ұжымы жетістіктерге жете берсін! Сөз соңында «Маңғыстау» газетінің оқырманы ретінде айтарыңыз?

– Сізге де рақмет! Ұжым мүшелерінің ба­сым көпшілігі «Маңғыстау» газетінің оқыр­мандары болып табылады. Ал алдағы 2019 жылға да ұжымның осы басылымға жазылуы жүз пайыз болады деген жоспар бар. Қасиетті туған өлкеміздің атымен аталған, облыстық қоғамдық-­саяси газетке жазылу әрбір жер­лесіміздің міндеті деп ойлаймын. Газет жур­налистеріне шығармашылық табыс тілеймін. Облыс өмірінің жаңа тарихы газет беттеріне қаттала берсін!

Айнахан ЕСЕТ