«Қарақия» газетіне жаппай жазыламыз!

Газет - рухани азық. Газеттің қоғамдағы орнын теледидар да, радио да, интернетте те толықтыра алмайды. Алайда ғаламторлы ақпарат ағымы өркендеген бүгінгі таңда баспа басылымдарына сұраныс азайғаны белгілі.

Аудандық "Қарақия" газеті - жергілікті жердің тыныс-тіршілігін, ондағы болып жатқан оң өзгерістер мен жағымды жаңалықтарды, білім ордаларында атқарылып жатқан оңды істер мен бала тәрбиесіне қажетті тағылымға толы мәнді-мағыналы мақалаларды жалпақ жұртқа жариялап отырған бірден-бір басылым. Аудан өмірінің айнасы, ел ішіндегі жылт еткен жаңалықтарды апта сайын оқырманға құлағдар етіп отырған басылымға жазылуды ортақ мақсат деп санаймыз. Осы орайда жағымды жаңалықтар мен елді қуантып отырған «Қарақия» редакциясы ұжымына еңбектеріңізге шығармашылық табыс, қаламдарыңыз ұштала берсін деген тілек тілейміз. Біз басқа басылымға жазыла алмасақ та, аудандық газетке жазыламыз.

«Құлыншақ» балабақшасы  ұжым болып өз ауылымыздың айнасы, өз газетімізге жазыла отырып, жерлестерімді және аудан жұртшылығын «Қарақия» газетіне жазылуға шақырамыз.

Шыңғысбай БАЛЖАН «Құлыншақ» балабақшасының тәрбиешісі

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.