Тергеу мекемесінде сотталғандар арасында байқау өтті

ГМ-172/10 мекемесінде шаруашылық жасақ, оқшауланған аймақтың сотталғандары арасында «Үміт – 2018» байқауы ұйымдастырылды. Байқауда жазасын өтеушілер қолөнер бұйымдарын дайындап, өзара жарысқа түсті. Бірнеше жылдан бері жалғасын тауып келе жатқан шараға қатысушылар қолданбалы және бейнелеу өнері бойынша атсалысты.

Аталған жиынға сотталғандардың құқығын қорғау ұйымының төрағасы П.Дулин, Маңғыстау облысы Бекет ата мешітінің найб­ имамы Асқар Ахледин және Маңғыстау облысы бойынша қылмыстық-атқару жүйесі департаментінің сотталғандар арасындағы тәрбие жұмысы жөнінде­гі аға инспекторы, әділет майоры Ж.Тастанов төрелік етті.

Оқшауланған аймақта жазасын өтеуші Тарғын Қойбағаров ГМ­-172/10 мекемесінің жасақ тәрбие­шілері мен мұнай өндіру қондырғыларын түрлі бояулардың көмегімен қағазға түсіріп 1-­орынды иеленді. Қамырдан жасалған қарақшы, айдаһар, ежелгі адамдар бұйымын ерекше шеберлікпен жасаған сотталушы Ғалымжан Құрманғазиев 2­орынға тұрақтады. Ал қағаздан жасалған қызғалдақ бұйымын ұсынған Уайс Тұрсынбаев және мультипликациялық кейіп­керлерді жасаған Жалғасбай Убайдуллаев 3-­орынға ие болды.

Мәдени іс-­шараға қатысушыларға мекеме басшы­лығы ризашылықтарын білдіріп, алғыс хатпен ма­рапаттады.

Зухра ӘБДІЛ-САТТАР

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.