Бейнеуде ауданның үздік психологы анықталды

©

Бейнеу ауданының Күйкен орта мектебінде «Үздік психолог-2018» байқауы болып өтті. Байқаудың басты мақсаты — талантты, шығармашылықпен айналысатын, кәсіптік біліктілігін көрсете алатын педагог-психологтарды анықтау, қолдау көрсету және ынталандыру. Конкурсқа еңбек өтілі 3 жылға дейінгі, 3-7 жылға дейінгі және 7 жылдан асқан мектеп педагог-психологтары бақ сынасты.

Әдеттегідей бірінші сатыда — ізі бар психологтерге қойылатын тапсырмада жан-жақты кәсіптік деңгейін, жалпы мәдениетін және интелектуалдық дамуын көпшілік қауым алдында сөз сөйлеу мәдениеті арқылы көрсету. Екінші сатыда педагог-психологтер кәсіптік шеберлікті ата-аналар, педагогтер, балалар және жасөспірімдермен жұмыс істеу қабілеті, білім алу процесіндегі проблемалық жағдаяттарды шешу, психологиядан теориялық білімін, жалпы жан-жақтылығы және мәдениетін көрсетуге бағытталған тапсырмаларды орындау. Үшінші сатыда — психологтерге кәсіби шеберлігін, практикалық деңгейін білім беру мазмұнын игеру, әдістемелік дайындығын, өз іс- әрекетін жобалау, инновациялық технологияларды меңгеру деңгейін көрсету. Конкурсқа әріптесім А.Лепесова байқаудың бірінші сатысы бойынша «Мен және менің мамандығым» тақырыбында эссе жазып, өз мамандығының қыр-сырымен таныстырды.

Сонымен қатар психологиядан элективті курс бағдарламасы немесе түзету-дамыту авторлық бағдарламасы бойынша бастауыш сыныптарға арналған бейне жазбасы арқылы слайд көрсетіп, конкурс қатысушыларын таңғалдырды. Әрине, сайыс болған жерде жеңіс пен жеңіліс бірге жүреді. «Жүзден жүйрік, мыңнан тұлпар» демекші, конкурс соңында әділқазылардың шешімімен бір ауыздан Күйкен орта мектебінен қатысқан педагог-психолог Д.Жауынбаеваға бас жүлде берілсе, Үстірт орта мектебінен қатысқан педагог-психолог А.Лепесованы бірінші орынға лайық деп, облыстық деңгейде өтетін сайысқа жолдама берілді. Сонымен қатар қазан айының 9 жұлдызында Ақтау қаласында ұйымдастырылған «Үздік психолог - 2018» байқауына қатысып, өзінің кәсіби біліктілігі және шеберлігінің арқасында «Үздік жеке жетістіктері үшін» дипломымен марапатталды. Біз де әріптесіміз Ақмаралдың жеткен жетістіктері үшін алған марапатымен құттықтап, алдағы шығармашылық жұмыстарына толағай табыстар тілейміз.

А.ЖАҚСЫБАЕВА, бейнелеу пәні мұғалімі

Көрнекі сурет сайттың архивінен

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.