Әкелер күні аталып өтті

Жыл сайын жаздың үшінші жексенбісінде әлемнің көптеген елдерінде Халықаралық әкелер күні өткізіліп тұрады. Жақында Біріккен ұлттар ұйымының Балалар қоры (ЮНИСЕФ) мен Маңғыстау облысының әкімдігі бірлесіп ұйымдастырған Әкелер күні Ақтау қаласындағы «Оқушы» орталығында өтті.

ЮНИСЕФ­тің балаларға қатысты зорлық­-зомбылықты болдырмауға бағытталған коммуникациялық науқаны аясында ұйым­дастырылған осынау шара барысында әкелердің өздеріне және аналар мен бала­ларға арналған қызықты конкурстар, интер­активті ойын­-сауықтар өткізілді, жүлделер ойнатылды. Сондай-­ақ белсенді ата­-анала­рына бала тәрбиелеудің жағымды әдістері мен әке болудың маңыздылығы туралы се­минар өткізілді.

- ЮНИСЕФ-­тің осы жылдың  басын­ да басталған балаларға қатысты зорлық­-зомбылықты болдырмауға бағытталған коммуникациялық науқаны Қазақстанның алты өңірін қамтыды, – дейді ЮНИСЕФ­-тің Қазақстандағы өкілі Юрий Оксамит­ный. – Олардың ішінде Маңғыстау облысы да бар. Өтіп жатқан шараның басты мақсаты – қоғамның назарын өнегелі ата­-ана мәселелеріне аудару және әкелерді бала тәрбиесі процесіне жұмылдыру.

ТАҒЫ ОҚЫҢЫЗ: Науқасты сөзбен де емдеу керек

ЮНИСЕФ-­тің қолдауымен ҚР ҰЭМ ста­тистика комитеті Маңғыстау облысында жүргізген зерттеуге сенсек, балалардың тек 7,8%-­мен ғана биологиялық әкелері бір­лескен іс­қимылдардың 4 және одан көп түрлерімен айналысады. Олардың қатарына бірге ойнау, серуендеу, кітап оқу, ән айту және басқалары жатады. Республика бойынша ор­таша көрсеткіш – 6,6%. Балаларды тәрбиелеу процесінде әкелерге және олардың бала дамуы мен қалыптасуына позитивті ықпал етуіне маңызды рөл бөлінеді. Өкінішке  орай біз ата-­ананың екеуі де тәрбие процесі­не әрдайым тартыла бермейтінін көреміз, оның басты себептерінің бірі – қоғамда көптеген жылдар бойына қалыптасқан нормалар мен теріс түсініктер. Алайда біз осындай іс-­шараларымыздың бұл орайда оң өзгерістерге алып келетініне сенеміз. ЮНИСЕФ барынша бақытсыздыққа ұшыраған балаларды қамту үшін бірқатар елдер мен аумақтарда аса қиын жағдайларда жұмыс істейді. Біз өз қызметімізді барша балалар үшін әлемді жақсартуға ұмтыла отырып, әлемнің әр түкпірінде, 190 ел мен аумақта әрбір баланың бақыты үшін жүзеге асыра­мыз. ЮНИСЕФ­-тің Адам құқығы жөніндегі уәкілетті органымен бірлесіп 2010 жылдан бастап 2016 жыл бойынша жүргізген зерт­теулер топтамасына сәйкес, Қазақстанда балаларға зорлық­-зомбылық көрсету, қатал қарау және олардың мұқтаждықтарын еле­меушілік үйде де, сондай­-ақ мектептер мен интернаттарда да орын алатыны анықтал­ған болатын. Зерттеулердің нәтижелері көрсеткендей ересектердің 75%­-на жуығы балалардың мінез-­құлықтарын бақылауда ұстау үшін ұрып-­соғу тәсілін қолдайды, ал ата­-аналардың 67% балаларды тәрбиелеудің зорлау нысанын қолданады. Қазақстанда ба­лалар үшін арналған екі ұлттық қызу желі бар – «111» және «150», олар балаларға қатысты зорлық­-зомбылық жағдайларын тіркейді және инстанция бойынша жолдайды. Алай­да анықтау, хабарлау, тіркеу және ден қою тетіктері әлі де болса жеткіліксіз дамыған. Коммуникациялық науқан балаларға қа­тысты зорлық-­зомбылықты болдырмау бо­йынша жүргізілетін реформаларға қолдау көрсетеді және ата­-аналардың, сондай-­ақ балалармен жұмыс істейтін мамандардың балаларды оң бағытта тәрбиелеуін дамыту­ды ынталандырады.

Шараға қатысқан балалардың барлығына тиісті марапаттар мен сыйлықтар берілді.

Валентина ҚОЗЫБАҚОВА

[gallery td_select_gallery_slide="slide" ids="56440,56443,56441,56444,56442"]