Отпан тау – елдің асыл мұрасы

Елбасы Н.Ә.Назарбаевтың «Рухани жаңғыру» мақаласы аясында «Отпан тау» тарихи-мәдени кешенінде «Ұлы Дала Елінің киелі мұрасы» республикалық тарихи-экологиялық акциясы бастау алды. Аталмыш шараға облысымызға белгілі ардагерлер, облыс әкімі аппаратының «Қоғамдық келісім» КММ қызметкерлері, этномәдени бірлестік өкілдері, «Өнер» АРТ галереясының суретшілері, РЖҚ «Жаңғыру жолы» өңірлік штабының өкілдері мен облыстағы белсенді жастар қатысты.

Шара басталғаннан­ақ сөз алған облыс әкімінің  орынбасары Мақсат Сқақов акцияның мән­-маңызын атап өтті:

«Үлкен көлемдегі акциямыз көп­теген әулиелер мен машайықтар дүниеге келіп, жан баласына хақ жолын сілтеген киелі Маңғыс­тау өңірінен бастау алуы да тегін емес. Жалпы, аталған шара үш ке­зеңнен тұрады. Біріншісі – 5­-9 ма­мыр аралығында соғыс ардагерле­рі, батыр бабаларымызды ұлықтау мақсатында қамқорлық акциясы өтті. Екіншісі – 28­-30 мамыр ара­лығында қуғын­-сүргін құрбанда­рын еске алу үшін ауқымды ша­рамыз өтіп, енді үшінші кезеңіміз, жылдың соңына дейін жалғасқа­лы тұрған көне мұраларымызды жас буын өкілдеріне таныстырып, олар да көргенін келешек ұрпақта­рына жеткізуі үшін тарихымызды кеңінен насихаттау. Ұлы жазушы­мыз Әбіш Кекілбаев айтпақшы: «Маңғыстау – аспан астындағы мұражай» екені айдан анық. Ра­сында, бұл топырақтың әрбір түйір тасын алып қарасаңыз, тарихтың қатпар­-қатпар іздері сайрап жатыр. Мәдинада – Мұхаммед, Түркістанда Қожа Ахмет, Маңғыстауда – Пір Бе­кет деп қазақ айтқан. Ендігі акция көшінің келесі қонақтайтын жері – Бекет ата қонысы болмақ. Онан соң тоқтап қалмай, көптеген тарихы мол, шежірелі төбелерді аралып, 2­шіл­де күні акцияны Атырау облысына тапсырамыз. Жалпы, республика көлемінде өткелі жатқан акцияның Маңғыстау облысынан басталуында да терең мән жатыр, бұл – халықтың бізге деген ыстық ықыласы! », – дей келе, жұртымыздың амандығын ті­леді.

«Атаңның ботасын алма, бата­сын ал. Бота өліп қалады, ал бата өміршеңдігін көрсетіп, жарылқап жүреді» деп қазақ халқы айтпақ­шы, одан әрі сөз алған Шаймұрза Байпақов ақсақал тарихтан толғап, сыр шертіп, ел алдында қол жайып, тәрбиелік маңызы зор, жастарға үлгі боларлық пайғамбаралар есімін атай отырып, батасын берді. Кезек кон­церттік бағдарламаға кеп тіреліп, көк байрағымызды көкте желбірет­кен патриоттық әндерді түрлі ұлт өкілдерінің жас жеткіншектерінен тыңдадық.

Басқосуда аталған экспедиция мүшесі, аудандық жастар орталы­ғының басшысы Алдаберген Қо­нарбаев:

«Акцияға жалпы облыс аумағы­нан 70-­тен аса белсенді жастар жи­налды. Басым бөлігі – туризм сала­сы бойынша білім алып жатқандар. Бұл саладағы жастарды көп тартуы­мыздың себебі келешек елдің са­уықтыру кешенін қолына алар осы бозбала мен бойжеткендер боларына сенім білдіріп, тәжірибе жинақта­ту», – деп, жастардың болашағына серпін берді.

«Өнер» АРТ галереясының 30­-ға жуық суретшісі шеберлік танытып, Отпан таудың ұнаған көріністерін өз қалауларынша көркем етіп бейне­леп, аталған кешеннің мұражайына сыйға тартты. Сондай­-ақ этномәде­ни бірлестік мүшелері ерекше ын­тызарлық ниетпен кешеннің маңын қоршай тал отырғызды. Болашақ бөбектердің саясында ойнап жүргені көз алдымызда қылаң ете берді..!

Адамзат ұрпағының жалғасып отыруынан кейде мәңгілік іспетті көрінеді. Ұрпақ өткенін ұмытса – ең үлкен құлдырау осы. Жастарға тірек болып, рухын асқақтата түсер осын­дай игі бастамалар көптеп қолға алына берсе, құба­-құп.

Мадияр ТӨЛЕУОВ Суретті түсірген автор

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.