Министр Сағадиев маңғыстаулық ғалымдармен кездесті

©

Мемлекет басшысы Нұрсұлтан Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауын түсіндіру жұмыстары аясында Маңғыстау облысына Қазақстан Республикасы Білім және ғылым министрі Ерлан Сағадиев арнайы іссапармен келді.

Ресми сапар Ш.Есенов атындағы мемлекеттік тех­нологиялар және инжини­ринг университеті жанынан бой көтерген ұстаздар үйінің ашылу салтанатты  шарасымен  бастал­ды. Университеттің білім сапасын жақсартып, ғылыми негізін қалауға өлшеусіз үлес қосқан ұстаздарға арналған көп қабатты тұрғын үй алаңында ҚР Білім және ғылым ми­нистрі Ерлан Сағадиев, Маңғыстау облысының әкімі Ералы Тоғжанов профессорлар мен оқытушыларды атаулы күнмен құттықтады.

«Құрметті университет ұжымы, сіздерді бүгінгі ерекше күнмен құттықтаймын. Білім беру ісі – қашанда жауапкершілігі жоғары, міндеті ауыр сала. Мемлекет тара­пынан жоғары оқу орындарының деңгейін өсіру, ғылыми  кеңісті­гін ұлғайту ісіне үлкен маңыз берілген. Елбасы Жолдауында білім мен ғылымды дамытудың жаңа жолдары мен тың тәсілдеріне бағ­дар көрсетіліп, нақты міндеттер жүктелді. Бұл ретте, педагог­мұға­лімдерді жан­жақты қолдау қажет екені белгілі. Еңбектеріңіз еленіп, тұрғын үй ғимаратының берілуі – осының бір көрінісі. Елімізде жаңа заманға сай білім стандартын қа­лыптастырып, дамытуға одан әрі атсалысады деп сенемін. Қоныс тойларыңыз құтты болсын» деп тілек білдірді облыс әкімі Ералы Лұқпанұлы.

Министр Ерлан Сағадиев ұстаз­дар қауымына алғыс айта келе, Елбасы Жолдауына тоқталды.

«Қадірлі ұстаздар, құрметті қо­нақтар! Көптен күткен қуаныш­ тарыңыз құтты болғай! Елбасымыз өз Жолдауында еліміздегі білім саласын дамытуға, педагогтар мен мұғалімдердің әлеуетін арттырып, мәртебесін   өсіруге   қолдау  жасап келеді. Жуырда  ғана  жарияланған Жолдауда білім мен ғылым сала­сына ерекше назар аударылған. Сіздерді Президентіміз бастаған даму жолында қажымай, талмай еңбек ете беруге, елімізді бірігіп көркейтуге шақырамыз. Жаңа үй­леріңіздің іші шаттыққа толсын, құтты болсын!», – деді Е.Сағадиев. Білім шаңырағының қазанын толтырып, ұстаздардың абырой­-бе­делін көтерген шарада университет ректоры Берік Ахметов, бұрынғы ректоры Әбдімүтәліп Әбжаппаров, ардагер ұстаз Сатжан Айсаевта жүрекжарды тілектерін арнап, пә­тер кілтіне ие болған педагог-­оқы­тушыларды құттықтады.

Игі шарада университеттің білім беру ісінің үздік ұстаздары мен ғылыми бағытын дамытуда озық ойлы оқытушы-­профессорлары облыс әкімі Ералы Тоғжанов пен ми­нистр Ерлан Сағадиевтің  қолы­нан пәтер кілтіне ие болды. Айту­лы күнді асыға күткен ұстаздар мемлекеттің тікелей қамқорлығына ие оқу орнының абырой­-беделін арттыруға бұдан әрі атсалысатын­дарын жеткізді.

«Бүгін біз үшін ерекше күн. Бас­паналы болдық. Осы универси­теттің әскери кафедрасында 2016 жылдан бері қызмет етіп келемін. Бұл күнді екі жыл күттік. Біздің қуанышымызға арнайы қатысып отырған облыс әкіміне,  министр­ге алғысымызды білдіргім келеді» деді әскери кафедра меңгерушісі­нің міндетін атқарушы 2­-ранг капи­таны Бауыржан Бяшимбаев.

Салтанатты шарадан соң Білім және ғылым министрлі Ерлан Сағадиев Маңғыстау облысы Жо­ғары оқу орындарының Ғалымдар кеңесімен кездесу өткізді. Жиын барысында «Төртінші өнеркәсіптік революция жағдайындағы дамудың жаңа мүмкіндіктері» атты Жолдау­дағы Мемлекет басшысының білім саласына қатысты міндеттемелерін жүзеге асыру жолдары талқылан­ды.

Облыс әкімі Ералы Тоғжанов Жолдауда педагогтар алдында білім беру мен ғылымды дамыту бойын­ша нақты міндеттер қойылғанын айтты. «Қазіргі күнде «Цифрлы Қазақстан» бағдарламасы аясын­ да өңірдегі 134 орта білім беру мекемесінің 98%-­ы кең жолақты интернет желісімен, комьютерлік сыныптармен қамтамасыз етілді. Жолдаумен қатар Елбасының «Ру­хани жаңғыру» идеясымен алғаш рет облыстағы барлық білім беру ұйымдарында «Жасыл мектебім – жасыл мекенім»  атты  жобасын іске қостық. Жоба аясында кезең­ кезеңімен барлық мектептерде жылыжайлар салынып, мектеп аула­лары көгалдандырылатын болады. Аймақтың климаттық ерекшелігі­не байланысты қолға алынып отыр­ған бұл жоба меценаттар тарапынан қолдау тапты», – деді Ералы Лұқпанұлы.

Облыс әкімінің айтуын­ша, өңірдегі 600 мұғалім ағылшын тілі бойынша білім жетілдірген, қазіргі уақытта ауылдық аймақтағы 300 мұғалім аталмыш курстан өтуде. Сонымен қатар министрлік бастама­сымен енгізілген «Кәсіпкерлік және бизнес негіздері» факульта­тив пәні облыстағы 30 мектеп­те жүйелі оқытылып келеді.

«Өңірдегі білім саласын заманға сай, бәсекеге қабілетті дамыту­да айтарлықтай өзгерістер бар. Бүгінде оқушыларды кәсіпкерлікке баулу мақсатындағы арнаулы пән­дер оқытылады. Жалпы бизнеске қолайлы жағдай жасау рейтингі бойынша Маңғыстау облысы 9 ай ішінде 12 орыннан 2 орынға кө­терілді. Сондай­-ақ Елбасы Жол­дауында қамтылған «Цифрлы Қа­зақстан» бағдарламасын басты бағдарға алып, жаңа сандық техно­логияларды білім жүйесіне енгізіп, биыл барлық мектепті интертет желісімен қамтамасыз етеміз. Пе­дагог мамандардың қарым-­қабілеті мен әлеуетін көтеруге де күш сала­мыз», – деді Ералы Лұқпанұлы.

Министр Ерлан Кенжеғалиұлы Маңғыстау облысында орындалған істерге оң баға беріп, Мемлекет басшысының Жолдауындағы ел дамуының негізгі бағытын айқын­даған міндеттерді абыроймен ат­ қаруға үндеді.

Жайық НАҒЫМАШ

Суретті түсірген Серік МАЙЕМЕРОВ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.