Мүмкіндігі шектеусіз "Сырлы әлем"

Маңғыстау облыстық  мәдениет  басқармасы және облыстық ғылыми -әдістемелік және мәдени қызмет  көрсету  орталығының ұйымдастыруымен облыстық «Сырлы әлем» мүмкіндігі шектеулі жандар арасындағы шығармашылық байқауы өтті.

Мүмкіндігі шектеулі жандардың ерік-жігерін көрсету, талантын ұштап, дарынды өнер иелерін халыққа таныту, мүгедек жандарға өздері өмір сүріп жатқан қоғамның мүшесі, қатысушы екенін сезінуге мүмкіндік жасау, өз мүмкіндіктеріне сендіру, олардың арасынан белсенді адамдарды анықтап, өзгелерге үлгі ету, олардың өмірге деген көзқарастарын өзгертіп, әлеуметтік бейімдеу мақсатындағы байқауға облысымыздың  аудан-қалаларынан 40 қатысушы сынға түсті.

Байқау төмендегідей 4 аталым бойынша өтті: жеке ән салу (аспапта сүйемелдеу немесе фонограмма);  жеке аспапта ойнау (гитара, домбыра, фортепиано, баян); әдебиет (поэзия, көркемсөз, авторлық шығармалар); қолөнер  (зергерлік, тоқыма, қолөнер бұйымдары); үміткер еркін тақырыптағы бір шығарма орындау құқына ие болды.

Қазылар алқасының шешімімен жеке ән салу номинациясы бойынша: I орынға – Қарақия ауданынан Жастүлек Төреев, IІ орынға – Түпқарған ауданынан Қонақбай Саназаров, III орынға – «Қазақ соқырлар қоғамы» мүшесі Ақмарал Жұмагұлова мен Ақтау қаласынан Маханбет Сарыев ие болды. Жеке аспапта орындау номинациясы бойынша I орынға – «Қазақ соқырлар қоғамы» мүшесі Болат Ибраев, IІ орынға – Түпқараған ауданынан Әсет Қарабалаев, III орынға – Жаңаөзен қаласы Бауыржан Исаев мен «Қазақ соқырлар қоғамы» мүшесі Қуаныш Ибраев ие болды.

Тағы оқыңыздар: Ақтаулық қос өнерпаз Грекияда топ жарды

Көркемсөз оқу номинациясы бойынша I орынды – Ақтау қаласынан Қалаулы Чопанова, IІ орынды –  «Қазақ соқырлар қоғамы» мүшесі Нина Максимова, III орынды – «Қазақ соқырлар қоғамы» мүшесі Елена Толстова мен Ақтау қаласынан Айжан Тыныштықбаева жеңі алды. Қолданбалы қолөнер номинациясы бойынша: I орынға Түпқараған ауданынан – Райымбек Хасанов, ІІ орынға Мұнайлы ауданынан Мөлдір Азаматуллаева, ІII орынға – Маңғыстау ауданынан  Байғабыловтар жанұясы және Бейнеу ауданынан Мира Аққұлова лайық деп табылды.

Қалған 24 қатысушы алғыс хатпен  марапатталды.

Үміт ЖӘЛЕКЕ

Суреттерді түсірген Талант ҚҰСАЙЫН

[gallery td_select_gallery_slide="slide" ids="38187,38186,38188,38189"]