Жағалау жаман болмайды (ФОТО)

Теңіз жағалауын жағалай жасалып жатқан «Жартастағы соқпақ» (Скальная тропа) жобасы қарқынды жүруде. Оның басты ерекшелігі – жағалауға адам жүретін соқпақ төселіп, ал түнде жартастардың қызыл-жасыл жарықпен көмкерілуі. Бұл қызыл-жасыл жарық жартастың етегіне жоғары қаратып орналастырылған шамдардың көмегімен беріледі. Жаяу жүргінші жолының 80 пайызы басапалдақтан тұрады. Отырып, тынығамын деушілер үшін 24 көру алаңшасы жасалады.

Ал жартастың түбіндегі үңгір тазаланып, арнайы жарық беруші проектордың көмегімен үңгірдің қабырғаларында Маңғыстаудың тарихынан сыр шертетін суреттер шығып тұрады.

Құрылысшылардың айтуынша, «Каспиан ривьера» қонақ үйінен басталып 1 шағынауданның жағалауына дейін созылған «Жартастағы соқпақтың» ұзындығы - 1450 метр. Сарқырама мен пирсті, көру алаңшаларын қосқанда жартасты соқпақтың аумағы 6 мың шаршы метрге жуықтайды.

Жоба әзірлеушісінің айтуынша, соқпақ ағаш-полимерлі композиттен салынады деп жоспарланған.

Құрылыс толық аяқталғанда, бұл орын Ақтау қаласы, Маңғыстау облысы тұрғындары мен қонақтары үшін Ақтаудың сүйікті жерлерінің бірі­не айналары анық.

Бір айта кетерлігі, теңіз жағалауында мүмкіндігі шектеулі жандардың да еш кедергісіз емін-еркін жүруі басты назарға алынып, жоба­ны жүзеге асыру барысында аталған жандардың пікірлері назарға алынған.

Камшат ОҢҒАЛТАЙ,

Суреттерді түсірген Талант ҚҰСАЙЫН

[gallery td_select_gallery_slide="slide" ids="57888,57889,57890,57891,57895,57892,57893"]