Түпқараған ауданындағы балалар және жасөспірімдер спорт мектебінің ғимаратында жаңа жыл мерекесіне орай аудан әкімінің шыршасы өтті, деп хабарлайды mangystaumedia.kz Қоғамдық коммуникация орталығына сілтеме жасап.
Мерекелік шыршаға көп балалы және аз қамтылған отбасылардан шыққан 100 бала қатысты. Әр балаға сыйлықтар, тәттілер таратылды. 100 мың теңге көлеміндегі сыйақы ата-аналарының шотына аударылды.
-Бұл шырша тойы балаларымыз үшін арнайы ұйымдастырылды. Мемлекет басшысының тапсырмасы бойынша биыл балалар жылы болып жарияланған болатын. Мемлекет балаларымыз бен олардың ата-аналарына жағдай жасау үшін аянбай еңбек етіп жатыр. Еліміздің болашағы – бүгінгі балалардың қолында. Тілектеріңіздің орындалуын, алдағы жоспарларыңыздың іске асуын тілеймін. Жаңа жыл құтты болсын, - деді аудан әкімі Рахат Елтизаров.
Шарада балаларға арнап, ертегілік қойылым қойылды. Сонымен бірге, балалар да өз өнерлерін көрсетіп, би билеп, ән шырқады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
