Бүгін Түпқараған ауданының әкімі Айбек Қосуақұлы аудандық «Ақкетік арайы» қоғамдық-саяси газетінің редакциясына барып, журналистермен тілдесті, - деп хабарлайды mangystaumedia.kz сайты.
Кездесу барысында ауданда атқарылып жатқан және алдағы уақытта орындалатын жұмыстар айтылды. Редакцияның хал-жағдайы сөз болды.
Айта кетейік, биыл Түпқараған аудан баспасөзіне – 90 жыл. Осы ретте аудан әкімі журналистермен бірге газеттің дайындық барысын пысықтап, өз пікірін білдірді. Сонымен қатар аудан әкімдігі тарапынан газетке қолдау болатындығын, 90 жылдық мерейтойға дайындық жұмыстарын назарда ұстайтынын жеткізді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
