Түпқарағанда заманауи психология кабинетінің тұсауы кесілді

Түпқараған ауданының мұғалімдері Орталық Азияның Еуразия Қорының «Қоғамдық кеңістіктер» жобасы аясында «Теңізшевройл» компаниясынан қайтарымсыз қаражат ұтып алды, деп хабарлайды сайты mangystaumedia.kz.

Ұтып алған қаражатқа Есбол Өмірбаев атындағы орта мектепте «Жан жылуы» психология кабинетін жабдықтады. Онда кабинетке жиһаздар алынып, арнайы дидактикалық, моторикалық, түзете-дамыту жұмыстарына арналған құрал-жабдықтар алынды. Кабинет бірнеше зоналарды қамиды: тренинг алаңы, тынығу алаңы, дөңгелек үстел өткізу алаңы, баланың жердегі уақыт алаңы, сұқбаттасу алаңы, релакс зона болып бөлінген.

Өлкетанушы Есбол Өмірбаев атындағы орта мектебінің ұстаздары қол жеткізген жобаның ашылуына Форт-Шевченко қаласының әкімінің орынбасары Бауыржан Молдабеков, аудандық білім бөлімінің басшысы Айбаршын Утесбаева, аудандық қосымша білім беру орталығының әдіскері Назерке Көкебаева, Орталық Азияның Еуразия Қорынан жоба менеджері Алма Шолпанкулова, эксперт - Асель Имангожина қатысты.

Санитарлық-эпидемиологиялық талаптарды ескере ұйымдастырылған шағын шараға сонымен қатар арнаулы сынып оқушысы Ақерке ата-анасымен қатысты. Арнаулы сынып оқушысы Ақерке тезірек осындай әдемі кабинетке келіп, түрлі тапсырмаларды бірге орындауға асық екенін зор қуанышпен жеткізді.

Өз кезегінде сөз алған аудандық білім бөлімінің басшысы Айбаршын Утесбаева жоба ұйымдастырушыларына алғысын білдіріп, бұл аудандағы инклюзивті білім алушылар мен дефектолог-психолог сынды түзете-дамыту жұмыстарын жүргізетін аудандағы барша мамандардың тәжірибе алмасып, жұмыс жасайтын ресурс орталығы болатындығын жеткізді.

Сонымен қатар, мектеп басшылығы атынан «Орталық Азияның Еуразия Қорына» «Азаматтық қоғамның тұрақты дамуы мен білім саласындағы оң өзгерістерге жол ашқан «Орталық Азияның Еуразия Қорының» «Теңізшевройл» компаниясының қаржылай қолдауымен ұйымдастырылған «Қоғамдық кеңістіктер» жобасы аясында біздің Есбол Өмірбаев атындағы орта мектебінде «Жан жылуы» психология кабинетін жабдықтап, жасақтауға мүмкіндік алдық. Сіздің ерекше жобаға қолдауыңыз аясында мектеп оқушылары мен ата-аналары, мектеп ұстаздарына психологиялық көмек алудағы жайлылық пен жақсы әсер туындамақ. Біз сіздің қоғамдағы кеңістіктерді кеңейтетін мүмкіндігі мол жоба ұйымдастырған ұжымыңызға ықылас білдіріп, алғыс айтамыз!, - деді.

Жоба аясында мектептің 430 дан аса оқушысы мен ата-аналары, 100 ден аса мектеп ұстаздары, ұжымы және арнаулы сыныпта білім алып отырған 13 оқушы мен 2 инклюзивті білім алушы оқушылар осы жерде психологиялық ақпараттану, түзете-дамыту қызметін ала алады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.