Түпқараған ауданындағы Қызылөзен ауылынан газ құю бекеті ашылды. Бұл туралы Қызылөзен ауылының әкімі Өскінбай Ермекбаев мәлім етті.
«Аудан орталығынан 32 шықырым жердегі Қызылөзен ауылына газ құю бекетін іске қостық. Жалпы аумағы - 0,2 га шаршы метр. Жаңа станцияда автокөліктерге сұйытылған газды тәулік бойы құю қызметтері қарастырылған»,- деді Өскінбай Ермекбаев.
Айта кетейік, Қызылөзен ауылындағы бұл бекетті «Тажадинов» есімді жеке кәсіпкер ашып отыр. Енді ауыл тұрғындары мен жергілікті автокөлік жүргізушілері көгілдір отын үшін аудан орталығына бармай, қолжетімді бағада сатып алуға мүмкіндік бар.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
