Бүгін Қазақстан Республикасы Президентінің 2023 жылғы 7 маусымдағы №243 Жарлығына сәйкес Қарақия ауданының алтын құрсақты аналары «Алтын алқа» және «Күміс алқа» төсбелгісімен марапатталды, деп хабарлайды mangystaumedia.kz Қарақия ауданы әкімдігінің баспасөз қызметіне сілтеме жасап.
Ардақты аналарға Президенттің аманатын аудан әкімі Сымбат Төретаев табыстап, сый-сияпат жасады.
«Маңғыстау облысы бала туу көрсеткіші жағынан еліміз бойынша көш басында тұр. Бұл қуанышты көрсеткішке қарақиялықтар да өз үлестерін қосып келеді. Мемлекет басшысының №243 Жарлығы бойынша 28 батыр ана қол жеткізіп отыр, оның ішінде 9-ы алтын,19-ы күміс алқа иегері. Еліміздің жарқын болашақтарын өмірге әкеліп, оларды тәрбиелеу жолындағы үлестеріңіз орасан зор. Өсірген ұл - қыздарыңыздың қызығын көріңіздер, дендеріңізге саулық тілеймін!», - деді аудан әкімі С.Төретаев.
Шара барысында жиынға қатысушылар алтын құрсақты аналарға ақ тілектерін арнап, жүрекжарды лебіздерін жеткізді. Аналар сый-құрмет үшін ризашылық білдіріп, алғыстарын жеткізді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
