Мұнайлылықтар жаңа аялдамаларда бейнекамералардың жоқтығына шағымданды

© Архив

Олардың айтуынша, мұнда түнде ішімдік ішіліп, темекі шегіледі. Көңіл көтерушілер қоқысты жинамай кетіп қалады, деп хабарлайды mangystaumedia.kz.

Бұл туралы тұрғындар облыс әкімдігінің телеграм-чатында сұрады.

"Басқұдықта жаңа аялдамалар орнатылды, соған рахмет. Бірақ неге ішінде бейнекамералар орнатылмаған? Ал түнде неге аялдамаларды жаппайсыңдар? Бейнекамералар орнатады деген үміттеміз», - деп жазды тұрғындар.

Аудан әкімдігі аялдамалар жобасы бойынша олардың ішінде бейнекамералар қарастырылмағанын атап өтті. Дегенмен, наурыз айынан бастап Мұнайлы ауданындағы тас жолдарға Сергек бейнекамерасын орнатуды қолға алу жоспарлануда.

"Камералар аялдамаларды да қамтиды. Бүгін жолдарды күтіп ұстаушы ұйым аялдамаларды тазартады", - деп жауап берді аудан әкімдігі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.