Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Мұнайлыда “Жалдамалы пәтер” жедел-профилактикалық іс-шара басталғалы 1 апта ішінде заңсыз пәтер жалдап келген 34 тұлға анықталды. 16 үй иесіне қатысты хаттама толтырылып, жинақталған іс-құжаттар Кірістер басқармасына жолданды, деп хабарлайды mangystaumedia.kz Мұнайлы аудандық полиция бөлімінің баспасөз қызметіне сілтеме жасап.
Сондай-ақ, аталған пәтерлерде ешқандай тіркеусіз тұрып келген 55 азамат анықталып хаттама жасақталды.
Оған қоса жалдамалы пәтерлерде заңсыз жүрген 60 шетел азаматы анықталып, Ақтау қаласындағы "қабылдау тарату" орталығына орналастырылды және 9 тұлға Қазақстан Республикасынан тысқары шығарылды.
Айта кетейік, «Жалдамалы пәтер» іс- шарасы 6 ақпанға дейін жалғасады. Мақсаты жалдамалы пәтерлерде орын алуы мүмкін ауыр және аса ауыр қылмыстардың алдын алу, тіркеусіз тұрып жатқан шетел азаматтарын және баспаналарын заңсыз жалға беретін пәтер иелерін анықтау. Іс- шара күндері Мұнайлы ауданындағы жергілікті полиция қызметі күшейтілген режимде қызмет ететінін хабарлаймыз.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.