Қызылсай өңірлік табиғи паркінің фототұзағына шибөрі түсіп қалған

«Қызылсай» мемлекеттік өңірлік табиғи паркі КММ-нің мекемесінің «Тасорпа» мемлекеттік табиғи қаумалының басшысы Н.Бисенғазиев қарамағындағы мемлекеттік инспекторларымен бірге ерекше қорғалатын табиғи аумақтарға рейдтік-бақылау жұмыстарын жүргізді, - деп хабарлайды mangystaumedia.kz.

«Қызылсай» мемлекеттік өңірлік табиғи паркі КММ қарасты барлық қаумалдарға, аң-құстардың шоғырланатын бұлақ көздеріне, соқпақ жол маңдарына үнемі фототұзақтар орнатып отырады.

Кеше сол фототұзаққа түскен кадрдің бірі – «Тасорпа» мемлекеттік табиғи қаумалынан түскен «Шибөрі» ( қызылқасқыр). Оның дене тұрқы 70-82 см, бойы 45-50 см, құйрығының ұзындығы 22-23 см, салмағы 7 -13 кг. Шибөрі қасқырға ұқсас. Бірақ одан екі есе кіші, түсі жирен сұрғылт болып келеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.