Мұнайлыда шақпақ қант шығаратын цех жұмыс істейді

Мұнайлы ауданына қарасты Басқұдық ауылында күнделікті сұранысқа ие қажетті өнімді шығаратын шақпақ қант цехы жұмыс істейді, деп хабарлайды mangystaumedia.kz сайты Мұнайлы ауданы әкімдігінің баспасөз қызметіне сілтеме жасап.

Өңір тұрғындарын жергілікті өніммен қамтамасыз етуші «BatysTrade» ЖШС. Цех басшысы мемлекеттік және өңірлік бағдарламалар аясында қолдау алып, несие қаражатына қант өндіретін қажетті құрал-жабдықтар сатып алған.

«Қазіргі уақытта цехта тәулігіне 3000 кг рафинад шығарады. Қанттың бағасы 330 теңге. Жергілікті 5 тұрғынды жұмыспен қамтып отырмыз. Құмшекерге су араластыру арқылы дайындалып, 350 градус ыстықта кептіріледі. Бұл процестерді арнайы рафинад жасайтын құрылғы автоматты түрде жүргізеді. Сырты қапталғаннан кейін халыққа дайын күйде рафинадталған қант ұсынылады», - деді «BatysTrade» ЖШС басшысы.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.