Мұнайлыда сервистік әкімдік ашылды

Мұнайлы ауданы әкімдігінің ғимаратында тұрғындарға мемлекеттік қызмет алуға қолайлы жағдай жасау мақсатында «Сервистік әкімдік» ашылды. Бұл туралы Мұнайлы аудандық мемлекеттік көрсетілетін қызметтер сапасының мониторингі және бақылау бөлімінің басшысы Роза Мугалова мәлім етті.

«Сервитік әкімдікте 6 бөлім бар. Мамандар бекітілген жоспар бойынша қызмет алушыларға ауысыммен қызмет көрсетеді. Енді тұрғындар мемлекеттік қызмет түрін алу үшін әр мекемені жағаламайды. Өйткені, сервистік әкімдікте барлығы бір жерге шоғырланған», - деді Роза Мугалова.

Сонымен қатар, Сервистік әкімдік ғимаратында өзіне-өзі қызмет көрсету бұрышы да қарастырылған. Мүмкіндігі шектеулі жандардың қызмет алушылармен тең дәрежеде өзіне қажетті ақпаратты алуына жағдай жасалған. Балаларға арналған арнайы бұрыс жасақталған. Онда ойыншықтар мен балаларға арналған орындықтар қойылған.

Айта кетейік, сервистік әкімдікте төменде көрсетілген бөлімдер қызмет көрсетеді:

1. Мұнайлы аудандық жер қатынастары бөлімі;

2. Мұнайлы аудандық жұмыспен қамту және әлеуметтік бағдарламалар бөлімі;

3. Мұнайлы аудандық білім бөлімі;

4. Мұнайлы аудандық сәулет және құрылыс бөлімі;

5. Мұнайлы аудандық кәсіпкерлік және ауылшаруашылығы бөлімі;

6. Мұнайлы аудандық ТҮКШ, ЖК және АЖ бөлімі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.