29 жастағы көпбалалы ана Гүлзия Қойлығулова Атамекен ауылында орналасқан кішігірім цехта күніне 2000 жуық кір сабын шығарып отыр. Ол шикізатты KFC, Бархан бургер, Каспий гриль тез тамақтану орталықтармен бірлесіп келісім-шарт негізінде алып отыр. Дайын өнімдерін ауданның орталық базарына, қала супермаркеттеріне сатады.
Ол нәтижелі жұмыспен қамтуды және жаппай кәсіпкерлікті дамыту бағдарламасының бизнес идеяны іске асыру бағыты бойынша оқуға қатысқан. Алғашында Гүлзия балаларға арналған атракцион ашқысы келген. Алайда оқу барысында маркетингтік талдау, сұраныс туралы жан жақты үйреніп ойын күрт өзгертеді. Ол күнделікті шығын қай нәрсеге кететінін анықтай келе кір сабын жасау бизнесіне тоқталған. Қажетті құрал жабдықтарын алып, сабынды шығаратын және кесетін құрылғыларын сатып алады.
«Менің бір айдағы таза табысым 100 мыңға дейін жетеді. Ендігі жоспар кір сабынды кетпіретін және сыртын қаптап шығаратын құрылғыларды алғым келеді. «Бастау Бизнес» жобасы арқылы осындай ерекше кәсіптің ашылуына септігін тигізгеніне ризамын. Білікті мамандарымыздың кәсіптің негіздеріне үйретіп, бағыт бергені қуантады», - дейді кәсіпкер.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
