Мұнайлыда мал азығын өндіретін гидропоника саласы дамып келеді

Ауыл шаруашылығын дамыту мақсатында Мұнайлы аудандағы шаруа қожалығы гидропонды жасыл жем өндіру жобасын қолға алды. Бұл туралы Мұнайлы аудандық кәсіпкерлік, ауыл шаруашылығы және ветеринария бөлімінің басшысы Дастан Мұраталиев мәлім етті.

Кәсіпкер өңірлік «Нұр капитал» бағдарламасының аясында 1% өсіммен «Ресей Жинақ банк» АҚ арқылы 20 млн теңге несие алған.

«Қаражатқа қажетті гидропонды жасыл жем өндіретін құрал-жабдықтар сатып алдым. 2019 жылы, желтоқсан айынан бастап жұмысты бастадық. Қазіргі таңда бидайдан, арпадан, сұлыдан, жүгеріден шөптер өндірілуде. Ашылған күннен бастап осы уақытқа дейін 7-8 тонна өнім өндірдік. Дайын болғандарын Басқұдық ауылы, «Ер Шабай» базарына ұсынып отырмыз. 3 адам жұмыспен қамтылған», - деді қожалық иесі Қобыланды Айсазинов.

Отандық гидропоникалық жаңа технология бидай, арпа, сұлы, жүгері, 70% витаминдерден және макро-микро элементтерден тұрады. Жасыл жем-шөптердің пайдасы төрт түліктің тез семіруіне ықпал етеді. Бұл жоба ауыл шаруашылығы саласын дамытуды көздейді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.