Шетпе көшелерін жарықтандыру жұмысы басталды

Маңғыстау ауданына қарасты Шетпе ауылында автокөлік жолы жанындағы көше жарықтары заманауи энергия үнемдеуші LED шамдарына ауыстырылды. Бұл туралы Шетпе селосының әкімі Амалбек Жаңбуршиев мәлім етті.

Оның айтуынша қазан айында көп қабатты тұрғын үй маңына және ауылішілік негізгі көше бойына 34 дана LED шамы қойылған. Алдағы уақытта ауылішілік ескі көше шамдары жаңаланып, 6 қырлы бағанамен алмастырылмақ.

«Жыл соңына дейін Шетпедегі жарығы жоқ 5 көшеге 50 дана шам орнатамыз. Ауылішілік негізгі 3 автокөлік жолы бойына 106 бағана мен 106 көше шамы орнатылады. Атап айтсақ, бұрынғы емхана жолынан бастап «Қызылтұран» жолындағы автобекет бағытына дейін, мешіттен бастап көпірге дейін, «Азамат» спорт мектебінен «Үшкөз» әулиеге дейінгі көшеге бағана орнатып, трансформатор қоятын боламыз.Келесі жылы барлық ауылдағы бағаналар мен шамдарды ауыстыру жоспарлануда», - деді Шетпе селосының әкімі А.Жаңбуршиев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.