Бейнеу ауданында 861 түлек мектеп бітірді

Биыл Бейнеу ауданында 18 847 оқушы оқу жылын аяқтады, -деп хабарлайды mangystaumedia.kz сайты.

17 051 оқушы 1-11-сыныпты бітірсе, 1 628 бүлдіршін даярлық сыныбын тәмамдамақ. Ал 54 оқушы арнаулы сыныпты, 114 бала кешкі ОКП-ны бітірді. Ал 861 оқушы 11-сыныпты аяқтап, жас түлек атанды.

Биыл Бейнеуден 24 оқушы "Алтын белгіге" ұсынылды, 45 оқушы "Үздік аттестатқа" үміткер.

Еске сала кетейік, мектеп бітіру кешін сән-салтанатпен өткізуге, салтанатты дастарқан ұйымдастыруға, прокатқа көлік алып экскурсияға шығуға, әкімшілік және педагогикалық қызметкерлерге сыйлыққа ақша жинауға тыйым салынды. Сонымен қатар мейрамханалар мен кафелерде, басқа да көңіл көтеретін орындарда өткізуге рұқсат етілмейді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.