Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бейнеу ауданында «WORLDSKILLS» кәсіби шеберлік байқауының облыстық кезеңі өтті, деп хабарлайды mangystaumedia.kz сайты ҚКО сілтеме жасап.
Негізгі мақсаты - студенттердің мамандыққа қызығушылығын арттырып, бәсекеге қабілетті маман қалыптастыру.
Байқау 6 құзіреттілік бойынша өтті. Атап айтқанда, инженерлік графика CAD, компьютерлік ойындарға арналған 3D модельдеу, ұшқышсыз ұшу аппараттарын басқару, ұялы робототехника, бейнеөндіріс және компьютерлік ойындар мен мультимедиялық қосымшаларды дамыту.
Шараның ашылу салтанатына аудан әкімі, аудандық мәслихат хатшысы мен чемпионаттың арнайы қонақтары қатысты.
- Бейнеу политехникалық колледжі 2020-2021 жылдың қорытындысы бойынша жоғарғы рейтингтікке шықтв, «Жас маман» бағдарламасымен мемлекеттік бюджеттен 208 млн теңге ұтып алды. Сол қаражатқа соңғы үлгідегі техникалық құрылғылар мен компьютерлер алынды. Бұл ауданымыздың техникалық-кәсіптік маман даярлау саласында үлкен серпіліс болды. Соның нәтижесінде студенттеріміз мемлекеттік деңгейдегі додаларға қатысуда. Еліміздің дамуы білімді әрі бәсекеге қабілетті жастардың қолында, - деді Бейнеу ауданының әкімі Бейнеубек Әбілов.
Чемпионаттың қорытындысы мен жеңімпаздары 11 маусым күні анықталады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.