Бейнеу ауданында грэпплингтен «Mangystau Submision» атты облыстық ашық турнир өтті. Бұл туралы аудандық мәдениет, дене шынықтыру және спорт бөлімінің басшысы Ынтымақ Божанов мәлімдеді, - деп хабарлайды mangystaumedia.kz сайты.
Турнирге ересектер, жастар және жасөспірімдер арасында 350 адам қатысты. Жарыста Маңғыстау облысынан бөлек Атырау өңірінен де команда келіп, барлығы он екі құрама бақ сынады.
Турнир қорытындысы бойынша І орынды «Бейнеу», ІІ орынды «Атырау» және ІІІ орынды «Ақтау» құрамасы иеленді. Жеңімпаздарға арнайы диплом мен медаль табысталды.
«Бұл дода облыстық дене шынықтыру және спорт басқармасының қолдауымен, облыстық жауынгерлік өнер ассоциациясы мен облыстық аралас жекпе-жек және грэпплинг федерациясының және аудандық мәдениет, дене шынықтыру және спорт бөлімінің ұйымдастыруымен өтті. Жарыс жоғары деңгейде жүргізілді. Осындай бастамалар аймақтағы грэпплингтің және басқа да спорт түрлерінің дамуына зор ықпалын тигізеді», - деді Ынтымақ Божанов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
