Демократиялық таңдау еркіндігі

Қазақстан Республикасының Президенті Қ.Тоқаевтың елі­мізде кезектен тыс Президент сайлауын өткізу жөніндегі Үндеуін қолдаймын. Еліміз дамудың жаңа кезеңі­не аяқ басты. Біз Елбасымыз Н.Ә.Назарбаевтың көп жылғы көрегендік саясатының нәтиже­сінде үлкен жетістіктерге қол жеткіздік. Жаңа энергия көздерін игеру, шаруашылықтың барлық салаларына кәсіпкерлік ортаны тарту, шикізат өндірісі­нен даяр өнім өндіруге көшу, кәсіби мамандар дайындау бағытында үлкен жұмыстар атқарылуда. «Нұр Отан» партиясының соңғы сье­зінде Елбасымыз белгілеген бірқатар қолдаулар отбасылардың жағ­дайын жақсартуға, кедейлікті азайтуға мүмкіндіктер туғызады. Алда, кезек күттірмейтін, бұдан да үлкен қызметтер бар. Сонымен бірге қазіргі саяси-экономикалық даму бағыты қоғамымыздың барлық саласында, оның ішінде азаматтардың санасында да жедел өзге­рістер жасауды қажет етуде. Біз, Түпқараған аудандық мәслихатының депутаттары, Елбасы ұстанған саясаттың жалғасуын, елімізде бей­бітшілік болуын, мемлекеттік бағдарламалардың уақытылы іске асуын, азаматтардың әл-­ауқатының көтерілуін қолдаймыз. Сол үшін жерлестерімізді 2019 жылдың 9 маусымындағы Қазақстан Республикасы Президентінің кезектен тыс сайлауына бір кісідей қа­тысып, демократиялық таңдау еркіндігін пайдалана отырып, жаңар­ған елдің жаңа басшысын ұйымшылдықпен сайлауға, ел тәуелсіздігінің нығаюына азаматтық үлесімізді қосуға шақырамыз.

Р.РЫСМҰҚАМБЕТОВ, Түпқараған аудандық мәслихатының депутаты

Спортшылар сайлауға қатыспақ

Біз күн сайын қоғамның жаңаруы мен жаңғыруының куә­сі болып келеміз. Күн сайын бір игілікті жаңалық естиміз. Әсі­ресе, елімізде жастардың келе­шектегі тұтқа ұстарлық рөліне үлкен мән беріп, олардың ма­ман ретінде қалыптасуына, ғы­лымда, өнер мен спортта, басқа да салаларда шыңдалуына бар­лық жағдайларды жасап отыр. Еңбек пен ұмтылыс жастардың қай істі де меңгеруіне мүмкін­діктер беруде. Таяуда ғана Анталияда өткен әлемдік спорт додасында біздің жас­өспірімдеріміздің биік межеден көрінуі осы ұмтылыстың жемісі деп білемін. Киктайбоксингтен біздің облысымыз үлкен жетістіктер көр­сетуде, соның ішінде Түпқараған ауданының орны ерекше, осы жолда еңбек етіп, шәкірттеріне руxани және физикалық тұрғыда дәріс беріп жүрген Маңғыстау облыстық киктайбоксинг федерациясының бап­керлеріне үлкен алғыс айтамын. Ата-бабамыз «Жанамын дегенге от бер» деген нақыл сөз қалдыр­ған. Таушық ауылында ҚР мен әлем чемпиондарын дайындаушы бапкер Өтебаев Балтабек, Ақшұқыр ауылы бойынша Таңбай Жамбыл, Омашев Бауыржан, Ақкетіктегі Құдайберген Болатбек іні­лерімізге табысты еңбек тілеймін. Шәкірт тәрбиелеу – жауапты да қиын жұмыс. Мен алда да жастардың білім мен спортқа, өнерге қатар қанат самғауын тілеймін. Ол үшін еліміздің өркендеп, дамуы аса маңызды. Даму тек бейбіт заманда ғана болмақ. Сондықтан Қазақстан Республикасының Президенті Қ.Тоқаевтың 2019 жылдың 9 маусы­мына кезектен тыс Президент сайлауын өткізуді тағайындауын елдің тұрақтылығын, бейбітшілігін, дамуын қамтамасыз етуге жасаған қа­дамы деп білемін. Спортшы қауымды Президент сайлауына ұйым­шылдықпен қатысуға шақырамын. Еліміз аман, жұртымыз тыныш болсын, жастарға жетістіктер тілеймін.

А.ТӨЛЕУМАҒАМБЕТОВ, Түпқараған аудандық мәслихатының депутаты, «Шегендеусервис» ЖШС директорының кеңесшісі