Қарақия ауданы әкімінің аппарат басшысы тағайындалды
[ 2019 ] 28 ақпан, 10:11 | Аудан тынысы
Қарақия ауданы әкімінің 2019 жылғы 14 ақпандағы өкімімен Қарақия ауданы әкімінің аппарат басшысы қызметіне тағайындалды.
Нұрлан Таңбаев Исатайұлы 1982 жылы 15 желтоқсанда Маңғыстау облысы Ақтау қаласында дүниеге келген.
1999-2003 жылы Алматы қаласындағы, «Қайнар» университетін құқықтану мамандығы бойынша тәмамдап, алғашқы еңбек жолын 2003-2004 жылдары «Семсер» АҚ мекемесінде қарапайым қызметтен бастаған.
2009 жылы Ш.Есенов атындағы Ақтау мемлекеттік университетінің мұнай және газ кен орындарын игеру факультеті тау-кен инженері мамандығы бойынша тәмәмдаған.
2006-2015 жылдары Маңғыстау облысы бойынша экономикалық қылмысқа және сыбайлас жемқорлыққа қарсы күрес департаменті (қаржы полициясы) экономикалық және қаржылық қылмыстарды ашу бөлімінің инспекторы, экономикалық және қаржылық қылмыстарды ашу басқармасының инспекторы, сол саланың заң қызметі бөлімінің инспекторы, көліктегі қылмыстарды ашу бөлімінің инспекторы, ұйымдастыру-бақылау басқармасы инспекциясының жедел кезекшісінің инспектор-көмекшісі, аға инспекторы, кезекші бөлімнің бастығы болып, біліктілігін арттырған.
2015-2018 жылдары Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша департаменті – Жаңаөзен аймағы бойынша ауданаралық мемлекеттік қызмет істері және сыбайлас жемқорлыққа қарсы іс-қимыл бөлімінің аса маңызды істері жөніндегі офицері қызметін атқарған.
2018-2019 жылдары Маңғыстау облысының индустриялық-инновациялық даму басқармасы» ММ сыртқы экономикалық қызмет және халықаралық сапа стандарттары бөлімінің басшысының міндетін уақытша атқарушы қызметін атқарған.
Жанұясы бар.
2259
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
