Бейнеуде қысқа дайындықты пысықтаған оқу-жаттығу өтті

«Апат айтып келмейді» демекші, күтпеген апатты жағдайлардың алдын алу, оған әркезде де сақадай сай болып тұру – аса маңызды мәселе. Осы бағытта жоспарлы түрде оқу-жаттығу өткізіп, қызметтік дайындықты пысықтаудың да маңызы зор.

Осыған орай жақында төтенше жағ­дайлар жөніндегі Бейнеу аудандық комиссиясы­ның ұйымдастыруымен жоспарға сәй­кес «Қыс­-2018» оқу-­жаттығуы өтті.

Бұл шараға төтенше жағдайлар ке­зінде шұғыл әрекет ететін жедел топ құрамалары, ішкі істер бөлімі, байланыс қызметі, медициналық жедел жәрдем қызметі, тағы да басқа төтенше жағ­дайлар кезінде жұмыс жасайтын ме­кеме, кәсіпорындар мен арнаулы көлік құралдары қатыстырылды.

Шара барысында төтенше жағдайлар жөніндегі аудандық комиссияның төрағасы, Бейнеу ауданы әкімі Б.Әбілов, комиссия төрағасының орынбасары К.Машырықов және комиссия мүшелері, аудандық төтенше жағдайлар бөлімінің маман­дары, шұғыл әрекет ететін құрамала­ры, өрт сөндіру қызметі мен қызмет­тік топтардың төтенше жағдайларға дайындығына тексеру өткізді. Және олардың төтенше жағдайлар кезінде атқаратын жұмыс жоспарлары таныс­тырылды. Қызметтеріне сай төтенше жағдайларға әрқашанда дайын болуы ескертіліп, тапсырмалар берілді.

Кәрісбай ШЕРУБАЙҰЛЫ

[gallery td_select_gallery_slide="slide" ids="65544,65543,65542"]