Маңғыстау ауданында көңілді тапқырлардың маусымашар ойыны өтті
[ 2019 ] 29 қаңтар, 12:22 | Жастар беті
«Маңғыстау аудандық жастар ресурстық орталығы» КММ - нің және «Жайдарман» РЖҚБ аудандық филиалы, «Өрлеу» МКК-нің ұйымдастыруымен 2019 жылғы маусымашар КТА ойындарының сайысы сәтті өткізілді. Сайысқа ауданға қарасты барлық ауылдардан 10 команда қатысты. Ойын шымылдығы ашылысымен өздерінің ұтқыр әзілдерімен, тапқырлықтарымен және әртістік өнерлерімен көрермендерді қуанышқа бөлеген әзілкештер бірінен-бірі кем түспеді. Екі сағаттан астам уақыт бойы ауыл тұрғындарына әдемі әзіл сыйлаған шарада ауыл жастары белсенділік танытты. Аталмыш КТА ойындарына аудандық жастар ресурстық орталығының маманы Ә.Нұрбергенқызы әділқазылық етті.
Маусымашар – 2019 ойындарының қорытындысында бас жүлдені үлкен топ бойынша «Гимназия жастары», кіші топ бойынша «Тәп-тәттілер» командасы иеленді. Жайдарман ойындарына «Жұмалиев бүлдіршіндері», «Нұн шамшырақтары», «Жеті сері» командалары, ал КТА ойындарына «Гимназия жастары», «Мәдениет жастары», «Бұзықтар», «Тәп-тәттілер» командалары жолдама алды. Маусымашардың «Үздік ойыншы» аталымын «Гимназия жастары» командасының ойыншысы Әділбек Жаңбуршиев иеленді.
Биылғы «Жастар жылының» жаңалығы аталмыш КТА және «Жайдарман» ойындарында белсенділік танытып, әдемі әзілімен көзге түскен, көптің көңілінен шыққан ойыншыға аудан әкімінің, «Жас Қанат» жастар сыйлығының «Үздік әзілкеш» аталымы бойынша сыйлық берілетіндігін қаперге берілді.
Қалампыр Төлегенқызы,
Маңғыстау аудандық жастар ресурстық орталығының маманы.
1554
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
