Ақтаулық оқушылар әскери бөлімнің өмірімен танысты
[ 2017 ] 20 қазан, 10:49 | Жастар беті
Бүгін №12 орта мектептің 9, 10 сынып оқушылары «Ақтау-әуежай» тас жолында орналасқан әскери әуе күштерінің №30152 әскери бөлімнің өмірімен танысты. Бұл шараны Ақтау қалалық жастар орталығы мен Ақтау қаласының Қорғаныс істері жөніндегі басқармасының бірлесе ұйымдастырды.
Оқушылар №30152 ауе әскери бөлімнің темірдей тәртібімен танысып, ұшақ, тікұшақ, истрибитель (моневрлік ұшақ) техникаларын өз көзімен көрді. Әскери техникаларды қызыға мініп-түсіп қараған жастар мамандарға сұрағын жаудырды. Бөліммен танысуға келген жастардың арнайы өтініші бойынша жауынгерлердің жататын жері, төсек орыны, спротпен айналысатын жері де көрсетілді.
Жастарды әскери өмірге қызықтыру, отансүйгіштікке баулу мақсатында өткізілген шараның өтуіне №12 орта мектептің директоры Ж. Анесова, Ақтау қалалық білім үйлестіру орталығының БӘД пәнінің әдіскері, облыстық қарулы күштер орталығының төрағасы Н. Қонақбаев және Ақтау қаласының Қорғаныс істері жөніндегі басқармасы бастығы Д. Танкиев ықпал етті.
[gallery td_select_gallery_slide="slide" ids="39648,39653,39652,39651,39649"]
1126
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
