«ӨзенМұнайГаз» кәсіподақ төрағасы жемқорлық үшін сотталды

Жаңаөзен қалалық сотының үкімімен «ӨзенМұнайГаз» АҚ №2 ұңғымаларға қызмет көрсету басқармасының кәсіподақ төрағасы Қ. Мамаевқа 30 млн теңге сомасында айыппұл түріндегі жаза тағайындалды, - деп хабарлайды mangystaumedia.kz сайты.

Сондай-ақ ол мемлекеттік қызметте, судьяда, жергілікті өзін-өзі басқару лауазымдарын атқару құқығынан өмір бойына айырылды.

Үкім заңды күшіне енді.

Еске салайық, ол №2 ұңғымаларға қызмет көрсету басқармасының көлік жүргізушісін қызметтен босатпай, слесарь лауазымына ауыстыру үшін лауазымды адамдарға ақша беремін деген желеумен 1,5 млн теңге көлемінде пара алған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.