Маңғыстауда қас шеберлерінің қызметіне дін маманы не дейді?

Қазір көптеген сұлулық салоны әйелдерге сұраныстағы қызмет түрін ұсынады. Оның бағасы 3000 теңгеден басталады, - деп хабарлайды mangystaumedia.kz сайты.

– Алты айда бір рет тұрақты маманыма барып, қасымды хнаға боятамын. Шошқа майы жоқ. Бұған ислам діні қарсы емес, зиянды да емес. Мен өз шеберіме сенемін, себебі сертификаттары бар. Оларды облыстық дін істері басқармасы берді. Сондықтан мен бұл процедураны басқа қыздарға да ұсынамын, – дейді Ақтау қаласының тұрғыны Айнагүл Иманбаева.

Осы ретте аталған қызмет туралы Маңғыстау облыстық дін істері басқармасының басшысы Мақсатбек Маханбетовтен білуді жөн көрдік.

– Басқарма мұндай анықтамаларды бермейді және оған еш қатысы жоқ. Біздің мамандар, мысалы, діни әдебиеттерді және діни мазмұндағы басқа да ақпараттық материалдарды тарату, діни іс-шараларды өткізу үшін арнайы орындарды үлестіріп, ғибадатхана құрылысын үйлестіру жұмыстарын жүргізеді, – деді Мақсатбек Маханбетов.

Ал қас пен ерінге тұрақты макияж жасайтын шебер Зарема Вартазарованың айтуынша, сұраныс болса, қызмет те болады.

– Қазір, өкінішке қарай, медициналық білімі жоқ, өз қызметін ұсынатын шеберлер жиі кездеседі. Айтпақшы, жалған куәлік жасайтындар да бар. Атап айтқанда, олар қасты «халал» түзетуді ұсынады. Мен сізге бірден ескерткім келеді: сенбеңіз, бұл маркетингтік айла. Исламдық тұрғыда қасты түзету жоқ. Бұл «кірпіктерді ламинациялау» немесе «қас ботокс» сияқты қызметті сату үшін ғана жасалады. Менен көп адам «қызметтерді халал жасайсыз ба?» деп сұрайды. Ал мен ешкімді адастырмай, шынайы жауап беремін, - дейді Зарема Вартазарова.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.